20 iyun 2025
  1. Ana Səhifə
  2. AZpress - ÖZƏL
AZpress - ÖZƏL

Zəfər günü Ağcabədidə təntənə ilə qeyd olundu

7 ay əvvəl 577

Zəfər günü Ağcabədidə təntənə ilə qeyd olundu

Noyabrın 8-də Ağcabədidə Zəfər Günü münasibəti ilə ümumrayon tədbiri  təşkil edilib. Tədbirdə Ağcabədi RayonİcraHakimiyyətinin,hüquq-mühafizəorqanlarının, idarə,müəssisəvətəşkilatlarınkollektivləri,rayonictimaiyyəti, şəhidailələri, qazilər iştirakedib.
"AZpress.AZ" İnformasiya Agentliyinin "AZpressTİMES.info" saytının bölgə müxbiri xəbər verir ki,   öncə  şəhərin mərkəzində  Ümummilli lider Heydər Əliyevin abidəsi  ziyarət olunub, önünə tər çiçəklər düzülərək xatirəsi ehtiramla anılıb.
Bundan sonra   rayon rəhbərinin, hüquq-mühafizə orqanlarının rəhbərlərinin, şəhid ailələrinin vəqazilərin iştirakı ilə Ağcabədi şəhəri Məclis evinin qarşısında  ağaclar əkilib. Daha sonra onlar məclis evində çay süfrəsində də  iştirak ediblər.
Zəfər gününə həsr olunmuş rayon tədbiri Heydər Əliyev adına Ağcabədi şəhər mədəniyyət və istirahət parkında bayram proqramı ilə davam etdirilib. Burada əvvəlcə Ulu öndər Heydər Əliyevin büstü ziyarət olunub. Həmçinin parkda təşkil edilmiş,   foto, rəsm və kitablardan ibarət sərgiyə baxış keçirilib.
Çıxışlardan və konsert proqramından ibarət olan geniş ümumrayon tədbiri  Azərbaycan Respublikasının Dövlət Himninin səsləndirilməsi ilə başlayıb. Sonra torpaqlarımızın azadlığı uğrunda canından keçən vətən övladlarının əziz xatirəsi bir dəqiqəlik sükutla yad edilib.
Tədbirdə çıxış edən Ağcabədi Rayon İcra Hakimiyyətinin başçısı Rafil Hüseynov  qələbəyə gedən yoldan, bu yolda aparılan uğurlu siyasətdən, 44 günlük Vətən müharibəsində rəhbər, ordu, xalq birliyindən geniş söz açıb, başda şəhid ailələri olmaqla, bütün tədbir iştirakçılarını Zəfər günü münasibətilə təbrik edib.  Milli Məclisin deputatı Tahir Rzayev, şəhid anası Zülfiyyə Rəhimova,  “N” saylı hərbi hissənin komandiri, polkovnik-leytenant Zaur Zalov, Yuxarı Qiyaməddinli kənd sakini Fazil Mamedov, Vətən müharibəsi itirakçısı, Ağcabədi Pedaqoji Kollecinin direktoru Bəxtiyar Əliyev də öz çıxışlarında  Zəfər günü ilə bağlı  ürək sözlərini tədbir iştirakçılarına çatdırıb, təbriklərini dilə gətiriblər.
Çıxışlardan sonra tədbir Ağcabədi Rayon İcra Hakimiyyəti və Qarabağ Regional Mədəniyyət İdarəsinin birgə təşkilatçılığı ilə hazırlanmış  rəngarəng bayram konserti ilə davam etdirilib. 
Qeyd edək ki, ümumrayon tədbiri “Aran Ağcabədi” internet televiziyası vasitəsilə canlı yayımlanıb.

Mais İbrahimov

Əlaqəli Xəbərlər

SOSİAL ŞƏBƏKƏLƏRDƏ BİZİ İZLƏYİN

Rəsmi Xəbər

Türkiyənin Kahramanmaraş şəhərində “Azərbaycan” məhəlləsinin açılış mərasimi keçirilib

Türkiyənin Kahramanmaraş şəhərində “Azər...

19 iyun 2025 21:37:14
Arxivə Keçid>>>
<