Günay Rəhimova:

Dahi şair Hüseyn Cavidin doğum günüdür

Bu gün dahi Hüseyn Cavidin dünyaya gəldiyi gündür.

Onunla bağlı maraqlə və sirli bir məqamı qeyd etmək istərdim.

59 rəqəmi Hüseyn Cavidin həyatında mühim rol oynayıb,o 59 yaşında rəhmətə gedib,məzarının nömrəsi 59 olub, papağının ölçüsü 59 olub,məzarı sürgün olduğu Irkutskdan Azərbaycana gətiriləndə yeganə qızı Turan xanımın 59 yaşı olub,sürgün olunduğu ildən 59 il keçəndən sonra Naxçıvanda türbəsi ucaldılıb.

Sürgündə vəfat etmiş Hüseyn Cavidin nəşi Heydər Əliyevin təşəbbüsü ilə çox böyük zəhmətlə 1982- ci ildə Azərbaycana gətirilmişdir, Naxçıvanda türbəsi ucaldılaraq orada dəfn edilmişdir.

Hüseyn Cavidin əsərləri dövlət varidatı elan edilən müəlliflər siyahısına daxil edilmişdir.

Hüseyn Cavid milli romantik şerin, mənzum faciə və dramın banisidir.

P.S Hüseyn Caviddən seçmələr:

Gəldin də, niçin pəmbə buludlar kimi axdın,

Bilməm, niyə getdin, niyə döndün, niyə baxdın?

--------------------------------------

Ölum var ki, həyatdan da dəyərli

Həyat var ki, ölumdən də zəhərli

-------------------------------

Iblis nədir?

-cümlə xəyanətlərə bais

- Ya hər kəsə xain olan insan nədir?

- IBLIS!

------------------------------------

Mən gözəllərdə gözəl ruh araram

Ruhu gözəl olmayanları, çirkin sanaram..

--------------------------------------

“Qadın gülərsə, bu ıssız mühitimiz güləcək,

Sürüklənən bəşəriyyət qadınla yüksələcək”

-------------------------------------

Mənim Tanrım gözəllikdir, sevgidir...

-------------------------------------

Turanda qılıncdan daha kəskin,ulu qüvvət:

-yalnız mədəniyyət, mədəniyyət, mədəniyyət!