Kişi voleybol yığmamız evdə də uduzub

Dünən kişi voleybolçular arasında Avro-2026-nin seçmə qrup oyunları çərçivəsində ikinci turun oyunları keçirilib. Keçmələrinə H qrupunda yer alan Azərbaycan komandası doğma divarlar arasında Belçika millisini qəbul edib. Dərnəgül yaşayış massivindəki Bakı Voleybol Mərkəzində baş tutan oyun qonaq komandanın quru hesablı qələbəsi ilə başa çatıb -  0:3 (12:25, 17:25, 19:25).

Qarşılaşma demək olar ki, Belçika komandasının açıq-aşkar üstünlüyü ilə keçib. Matçın ilk hissəsində yiqmamiza 12:25 hesabla qalib gələn belcikalilar, ikinci hissədə də üstünlüyünü qoruyaraq 17:25 hesabla qalib gəlib və ümumi hesabı öz xeyrinə olmaqla 2:0- a çatdırıb. Üçüncü set bir qədər fərqli keçib. İlk xalı millimizin qazandıqi (1:0) üçüncü setdə hesab 8:8 olanadək oyun xala xal prinsinində davam edib. Bundan sonra, Azərbaycan millisi yenə də "axsamaqa" başlayıb və hesab rəqibin xeyrinə olmaqla 8:13-ə çatıb. Daha sonra təşəbbüsü əldən verməyən qonaqlar üçüncü setdə də üstün olublar - 19:25.

Xatırladaq ki, millimiz seçmələr çərçivəsində ilk matçını avqustun 17-də Avstriyada yerli komandaya qarşı keçirib və 3:0 hesabla uduzub. 

Yeri gəlmişkən, seçmələrin növbəti iki oyunu 2025-ci ilin avqustunda keçiriləcək.

İNTİQAM Məmmədov