"Zirə" və "Sabah" Konfrans Liqasının üçüncü mərhələsində 

Dünən futbol üzrə UEFA Konfrans Liqasının ikinci mərhələsi çərçivəsində cavab oyunları keçirilib və bununla da mərhələyə yekun vurulub.  Həmin gün Azərbaycanın iki təmsilçisi - "Zirə" və "Sabah" klubu cavab matçına çıxıb. Qeyd edək ki, bir həftə öncə doğma divarlar arasında Slovakiyanın "DAK 1904" klubunu darmadağın hesabla (4:0) məğlub edən "Zirə" səfər matçında da qalib (2:1) gələrək mərhələni aşıb. 

Maraqlıdır ki, bir həftə öncə səfərdə İzrailin "Makkabi" (Hayfa) klubunu böyük hesabla (3:0) məqlub edən "Sabah" isə dünən doqma divarlar arasında keçirdiyi cavab matçında çətin anlarla üzləşib. Oyunun əsas və əlavə vaxtı 3:6 hesabla başa çatdığından qalıb penaltilər seriyasında müəyyənləşib. Penaltiləri daha dəqiq yerinə yetirən "Sabah" 3:2 hesabla qalib gələrək, mərhələni aşıb.

Artıq hər iki təmsilçimizin üçüncü təsnifat mərhələsindəki rəqibi və oyunlarınin vaxtı müəyyənləşib. 

"Zirə" üçüncü mərhələdə Xorvatiyanın "Oisek" klubu ilə, "Sabah" isə İrlandiyanın "Sent-Patriks Atletik"iylə qarşılaşacaq. İlk oyunlar avqustun 8-də səfərdə, cavab oyunları avqustun 15-də evdə olacaq. 

Qeyd: Bu turnirdə ölkəmizi təmsil edən Sumqayıtin eyniadlı komandası isə Macarıstanın " Fexrrver" klubu ilə mübarizədə uduzaraq, turnirlə vidalasib. Evdə 1:2 hesabla uduzan "Sumqayıt" səfər matçını qolsuz bərabərliklə bitirib. 

İNTİQAM Məmmədov