Hollandiya-Fransa qarşılaşması Avro-2024-ün qolsuz bərabərliklə bitən ilk oyunu olub

Almaniyada futbol üzrə keçirilən Avropa çempionatının dünənə təsadüf edən 7-ci gününə D qrupunda baş tutan Hollandiya - Fransa oyunu ilə yekun vurulub. Leypsiq şəhərindəki "Red Bull Arena"da baş tutan oyun çempionatın qolsuz bərabərliklə bitən ilk matçı olub. Qeyd edək ki, oyunda daha çox hücum edən xoruzlar (Fransa) olsa da qapıya yol tapan narincilar (Hollandiya) olub. Lakin 69-cu dəqiqədə hollandiyalı futbolçu Xavi Simonsun uzaq məsafədən qapının aşağı küncünə vurduğu qolu İngiltərəli hakim Entoni Teylor öz laysmani Adam Hannın qərarı əsasında qeydə almayıb. Çünki qol vurulan zaman hollandiyalı futbolçu Denzel Dyumfris fransalı qolkiper Maykl Menyanla eyni xəttdə olub. VAR-da hakimlərin qərarını təsdiqləyib və 0:0 hesabı qüvvədə qalib.

Bununla belə, bəlli oyun müəyyən hadisələrlə yadda qalıb. Belə ki, 60 illik fasilədən sonra Hollandiya millisinin qolkiperi Bart Verbryuqen 21 yaş 308 günlə Avropa çempionatlarının ən gənc qapıçısı kimi tarixə düşüb. Son dəfə ən gənc qapıçı kimi meydana Avro-1964-də ispaniyalı qolkiper İribarya (21 yaş, 108 gün) çıxıb. 

Matçın ən yaxşı oyunçusu adına isə fransalı Nqolo Konte layiq görülüb.

Beləliklə, də bu yiqmalar arasında keçirilən oyun nisbəti Fransanın xeyrinə olaraq da qalib. Belə ki, 15 oyunda qalib gələn xoruzlar 5 dəfə bərabərə qalıblar, 13 dəfə isə uduzublar.

Bu oyundan sonra hərəyə 4 xal toplayan Fransa və Hollandiya D qrupunda müvafiq olaraq ilk iki yeri tutur. 

Qrupda son tur iyunun 25-də olacaq. Fransa - Polşa, Hollandiya - Avstriya.

İNTİQAM Məmmədov