Azərbaycanın lisenziyalı güləşçiləri

Ölkəmiz güləş idmanında Paris-2024-ə qazanılan lisenziya sayına görə dünyada dördüncüdü 

Paris-2024 Olimpiadasının proqramına daxil olan güləş idman növündə Azərbaycan da daxil olmaqla 60 ölkəni təmsil edən 290 idmançı lisenziya qazanıb. Azərbaycan qazanılan lisenziyaların sayına görə dünyada dördüncüdü. Birinci yeri  27 lisenziya ilə AİN (neytral idmançılar) tutur. ABŞ 15 lisenziyayla ikinci, Yaponiya 13-lə üçüncü, Azərbaycan isə 12 lisenziya ilə dünyada dördüncüdü. 

Azərbaycanın qazandığı lisenziyaların 6-si sərbəst güləşçilərin (tam heyətlə), 5-i klassiklərin, 1-i isə qadınların payına düşür.

Sərbəst güləşdə lisenziya qazananlarımız:

Əliabbas Rzazadə (57 kq), Hacı Əliyev (65 kq), Turan Bayramov (74 kq), Osman Nurmaqomedov (86 kq), Maqomedxan Maqomedov (97 kq) və Georgi Mesvildisvili (125 kq). 

Yunan-Roma güləşi: 

Murad Məmmədov (60 kq), Həzrət Cəfərov (67 kq), Sənan Süleymanov (77 kq), Rafiq Hüseynov (87 kq) və Sabah Şəriəti (130 kq).

Qadın güləşi: Burada qazanılan yeganə lisenziyanın sahibi 4 qat Olimpiya mükafatçısı (0-2-2) və 11 qat Avropa çempionu Mariya Stadnikdir (50 kq).

Qeyd: Olimpiya qaydalarına görə, güləş növündə lisenziya idmançıya deyil, ölkəyə verilir. Ona görə də zədə və ya hansısa bir səbəbdən lisenziya qazanilan çəkidə başqa güləşçi öz ölkəsini Olimpiadada təmsil edə bilər.

İNTİQAM Məmmədov