Hollandiya davaya görə “Eurovision”dan qovulmaq ərəfəsində idi

Hollandiya təmsilçisi Joost Klein Eurovision Mahnı Müsabiqəsində fotoqrafla dava edib. Onun hərəkətinə görə ölkə diskvalifikasiya oluna bilər, lakin yekun qərar verilməyib.

"Hazırda Hollandiyadan olan bir sənətçi ilə bağlı insidenti araşdırırıq. O, hələlik məşq etməyəcək. Hazırda əlavə şərhimiz yoxdur, biz bu barədə vaxtında məlumat verəcəyik”, - “Eurovision” təşkilatçıları qeyd ediblər.

Jurnalistlərdən biri İsraili “Eurovision”da təmsil edən müğənni Eden Qolandan soruşub ki, o, müsabiqədə iştirakının digər sənətçilər və tamaşaçılar üçün təhlükə yaratdığını başa düşürmü? Müğənniyə cavab verməkdən çəkinə biləcəyi bildirilib.

Niyə də yox? - Klein bütün mətbuat konfransı boyunca əyləşdiyi gödəkçəni cıraraq qışqırıb.

Bundan əvvəl Belçika televiziyası Qolanın çıxışına müdaxilə edib. Televiziya işçiləri həmkarlar ittifaqı bildirib ki, bir sənətçinin finala vəsiqə qazanması yolverilməz olduğu üçün yayım dayandırılıb. Onlar həmçinin İsraili soyqırımda ittiham ediblər.

İsrail ölkənin musiqi yarışmasında iştirakına etirazlara baxmayaraq Eurovision finalına yüksəlib. Yarımfinal günü Malmödə məşhur fəal Qreta Tunberqin iştirak etdiyi genişmiqyaslı anti-İsrail etiraz aksiyası keçirilib. Zalda iştirak edən etirazçılar “Fələstinə azadlıq” şüarları səsləndiriblər.