Qrup hərəkətləri üzrə yığmamız AK-da bürünc medal qazanıb 

Mayın 3-də Milli Gimnastika Arenasında sinyorlar və yuniyorlar (böyüklər və yeniyetmələr) arasında bədii gimnastika üzrə startı verilən və mükafat fondu 40 min avro (73 min manat) təışkil edən Avropa Kuboku davam edir. Yeri gəlmişkən, həm şəxsi, həm də qrup hərəkətləri üzrə keçirilən üç günlük turnririn ikinci günü qrup hərəkləri üzrə yığmamız üçün uğurlu olub. Belə ki, heyəti Güllü Ağalarzadə, Kamilla Əliyeva, Ləman Əlimuradova. Darya Sorokina,  Zeynəb Hümmətova və Yelizaveta Luzannadan ibarət olan yığmamız çöxnövçülük yarışında üçüncü yeri tutmaqla bürünc medal qazanıb. Fərdi yarışıarda ölkəmizi təmsil edən Zöhrə Ağamirova isə top, lent və həlqə ilə yarışların final mərhələsinə yüksəlib. Qeyd edək ki, şəxsi yarışlarda daha bir təmsilçimiz Kamilla Seyidzadə də mübarizə aparır. Turnirə mayın 5-də yekun vurulacaq. 

Qeyd: Mükafatlara gəlincə, şəxsi yarışların qalibi 40 min avrodan 8 min veriləcək. İkinci yeri tutan 5000, üçüncü yerin sahibi 3000, yarəşə 4-cü yerdə başa vuran isə 2000 avro mükafat qazanacaq. Bundan əlavə, 5-8-ci yerlərin sahibləri hərəyə 1000, 9-16-cı yerləri tutanlarsa 500 avroya sahib çıxacaqlar. 

Qrup hərəkətləri üzrə komandalar arasında ilk 3 yeri tutanlar isə müvafiq olaraq, 5000, 3500 və 2500 avro mükafat qazanacaqlar. 

Yeniyetmələrin yarışına gəlincə, ilk 3 yeri tutan komandalara 1300, 1000 və 700 avro mükafat veriləcək. 

İNTİQAM Məmmədov