Karlos Sayns Avstraliya Qran-Prisinin qalibi olub

Hazırki dünya çempionu Maks Ferstappensə 43 Qran-Pridən sonra ilk dəfə xalsız qalıb.

Melburunda (Avstraliya) formula-1 üzrə dünya çempionatının növbəti Qran-Pri yarışı keçirilib. Cari mövsümdə sayca üçüncü olan bu mərhələnin qalibi adını isə "Ferrari" komandasının ispaniyalı pilotu Karlos Sayns qazanıb. O, uzunluğu 5278 metr olan trasda 58 dəfə dövrə vurmaqla 306.124 km məsafəni 1 saat 20 dəqiqə 26,843 saniyəyə qət edərək finişə birinci çatıb. Yürüşdə ikinci yeri onun komanda yoldaşı və ondan cəmi 2,366 saniyə geri qalan Şarl Lekler tutub. İlk üçlüyü isə finişə qalibdən 5.904 saniyə gec çatan Lando Norris ("Maklaren") tamamlayıb. 

Yürüşün diqqət çəkən maqamlarından biri hazırki dünya çempionu və cari mövsümün ilk iki Qran-Prisinin qalibi olmuş Maks Ferstappenin ("Red Bull") erkən mübarizəni dayandırması və 43 Qran-Pridən sonra ilk dəfə xal qazana bilməməsi olub. Nə qədər təəccüblü də olsa, 7 qat dünya çempionu Lyuis Hemlton ("Mersedes") və onun komanda yoldaşı Corc Rassell də yürüşü başa vura vura bilməyib. 

Avstraliya Qran-Prisində son nəticə belə olub:

1. Karlos Sayns ("Ferrari") — 58 dövrə, 306.124 km, 1.20.26,840;  
2. Şarl Lekler ("Ferrari") — +2,366
3. Lando Norris ("Maklaren") — +5,904
4. Oskar Piastri ("Maklaren") — +35,770
5. Serxio Peres ("Red Bull") — +56,309
6. Fernando Alonso ("Aston Martin") — +1.20,992
7. Lans Stroll ("Aston Martin") — +1.33,222
8. Yuki Tsunoda ("Alfa Tauri") — +1.35,601
9. Niko Xülkenberq ("Hass") — +1.44,553
10. Kevin Maqnussen ("Haas") — +1 dövrə geçikib
11. Aleks Albon  ("Vilyams") — +1 dövrə
12. Danil Rikkardo  ("Alfa Tauri") — +1 dövrə
13. Pyer Qasli ("Alpin") — +1 dövrə
14. Valtteri Bottas ("Zauber") — +1 dövrə
15. Çjou Quanyuy ("Zauber") — +1 dövrə
16. Esteben Okon ("Alpin") — +1 dövrə.

Geridə qalan 3 Qran-Pridən sonra pilotların yarış (reytinq) cədvəlində vəıziyyət belədir (ilk onluq):  

1. Maks Ferstappen (51 xal), 2. Şarl Lekler (47 xal), 3. Serxio Peres (46 xal), 4. Karlos Sayns (40 xal), 5. Oskar Piastri (28 xal), 6 Lando Norris (27 xal), 7. Fernando Alonso (20 xal), 8. Corc Rassell (18 xal), 9. Lyuis Hemlton (8 xal), 10.  Lans Stroll (7 xal). 

Komandaların reytinq cədvəlində vəziyyətt belədir (ilk beşlik):

1. Ferrari - 66 xal, 2. Red Bull - 53 xal, 3. Maklaren - 43 xal, 4. Aston Martin - 24 xal, 5. Mersedes - 10 xal.

Qeyd: Mövsümün sayca 4-cü olan növbəti Qran-Prisi aprelin 7-də Yaponiyada keçiriləcək. Həmin mərhələdə pilotlar 5801 metr məsafəlik trasda 53 dəfə dövrə vurmaqla 307.471 km məsafəni qət edəcəklər. 

İNTİQAM Məmmədov