Gəmi qəzasında ilk olaraq kim xilas edilməlidir?

Tədqiqatçılar gəmi qəzalarında sərnişinlərin sağ qalması ilə bağlı tarixi məlumatları təhlil edərək müəyyən ediblər ki, belə vəziyyətlərdə qadın və uşaqların üstünlüyüdanılmazdır. Reallıqda isə vəziyyət tam əksinədir. 

Tədqiqatçılar son üç əsrdə baş vermiş 18 dəniz fəlakətindən sağ qalanlar haqqında məlumat tapıblar. Ümumilikdə müəlliflər 15 min sərnişinin və ekipaj üzvünün taleyini izləyib və müxtəlif cins və sosial qruplar arasında gəmi qəzasında sağ qalma ehtimalının necə fərqləndiyini müəyyən ediblər. Məlum olub ki, fəlakət zamanı kişilər qadınlardan orta hesabla iki dəfə çox sağ qalırlar. Uşaqların sağ qalma məlumatları araşdırılan 18 gəmidən yalnız 15-i üçün tapıla bilərdi və bu, daha da aşağı idi, uşaqların sağ qalma şansı yalnız 15 faiz idi.

Müzakirə olunan fəlakətlərdən istisna Titanik hadisəsidir. Onun kapitanı xilasedici qayıqlara ilk növbədə qadınların və uşaqların yerləşdirilməsini əmr etdi və şahidlərin dediyinə görə, bu əmr əlində silahla həyata keçirildi. Nəticədə qadınların sağ qalma nisbəti kişilərin 20 faizinə qarşı 70 faizə çatdı. Buradan müəlliflər belə nəticəyə gəlirlər ki, fəlakət zamanı insanlar adətən “hər kəs özü üçün” prinsipi ilə davranır və belə vəziyyətə ancaq kapitanın qətiyyətli hərəkətləri təsir edə bilər.