Ordubad rayon Mərkəzi xəstəxanasında ilk dəfə icra edilən endoprotez əməliyyatlarından sonra xəstələrin vəziyyəti qənaətbəxşdir

Ordubad rayon Mərkəzi xəstəxanasında ilk endoprotez əməliyyatının icra edildiyi Qasımov Malikəjdər 2023-cü ilin sentyabr ayında antiterror əməliyyatlarında şəhidlik zirvəsinə ucalmış şəhid baş leytenant Qasımov İbrahimin atasıdır. Xəstədə hər iki diz oynağının deformasiya edici artrozu diaqnozu ilə sol diz oynağının endoprotezləşdirilməsi əməliyyatı icra olunub. Əməliyyatdan 1 gün sonra xəstə aktivləşdirilərək gəzdirilib.

İkinci endoprotez əməliyyatı sol diz oynağının artrozu diaqnozu ilə daxil olmuş, Naxçıvan şəhər sakini İbrahimova Sara xanıma icra edilib.

Sara müəllimə də əməliyyatın səhəri günü aktivləşdirilərək gəzdirilib.

Qeyd edək ki, cərrah travmatoloq-ortoped Elşən Paşayev 15 Noyabr 2023-cü il tarixdən Ordubad rayon Mərkəzi Xəstəxanasında cərrah travmatoloq-ortoped kimi fəaliyyət göstərir.  O, 2012-ci ildə Azərbaycan Tibb Universitetini bitirib. 2013-cü ildən travmatologiya-ortopediya ixtisası üzrə Almaniyada təkmilləşib. Elşən Paşayev hazırda Ordubad rayon Mərkəzi Xəstəxanasında bütün növ ortopedik və travmatoloji əməliyyatları icra edir.