"Skuadra Adzurra" da pley-offun finalına yüksəlib

Martın 26-da DÇ-2026-nin Avropa qitəsi üzrə pley-off mərhələsinin ilk oyunları keçirilib. Türkiyə millisi də daxil olmaqla, 4 qrupda (A, B, C və D) keçirilən bu mərhələdə 16 komanda mübarizəyə qatılıb. Bu mərhələnin oyunlarından sonra qruplarda finalçılar müəyyənləşib. Rumıniyanı doqma divalar arasında 1:0 hesabla udaraq C qrupunda finala yüksələn Türkiyənin ardından onunla eyni qrupda (C) yer alan Kosovo və eləcə də İtaliya, Bosniya (hər ikisi A qrupu), İsveç, Polşa (hər ikisi (B qrupu), Danimarka və Çexiya (hər ikisi D qrupu) millisi də pley-offun finalına yüksəlib.

Keçirilən oyunlarda ən çox qol Slovakiya - Kosovo (3:4) matçında vurulsa da, ən böyük hesablı qələbə Danimarka - Şimali Makedoniya (4:0) qarşılaşmasında qeydə alınıb. Mundialda iştirak etməyə istəkli olan İtaliya millisi də finala yüksələn komandalar arasında yer alıb. "Skuadra Adzurra" evdə Şimali İrlandiya millisini məyus edib - 2:0. Qeyd edək ki, Berqamo şəhərindəki "Atleti Adzrri i'İtaliya" stadionunda baş tutan və ilk yarısı qolsuz bərabərliklə bitən oyunda qolları Tanali (56-ci dəq) və Kin (80) vurub. 

Dunən baş tutan oyunlarda aşağıdakı nəticələr qeydə alınıb:

"A" qrupunda:

İtaliya - Şimali İrlandiya - 2:0;

Uels - Bosniya və Herseqovina - 1:1 (əlavə vaxtda 2:4);

"B" qrupunda:

Ukrayna - İsveç - 2:3;

Polşa - Albaniya - 2:1;

"C" qrupunda:

Türkiyə - Rumıniya - 1:0;

Slovakiya - Kosovo - 3:4;

"D" qrupunda:

Danimarka - Şimali Makedoniya - 4:0;

Çexiya - İrlandiya - 2:2 (əlavə vaxtda 4:3).

Qruplar üzrə final oyunları martın 31-də keçiriləcək. Həmin gün aşağıdakı cütlər qarşılaşacaqlar:

A qrupunda: 

İtaliya - Bosniya və Herseqovina;

B qrupunda:

Polşa - İsveç;

C qrupunda:

Türkiyə - Kosovo;

D qrupunda:

Çexiya - Danimarka.

Bu cütlərin qalibləri (4 komanda) adlarını iyunun 11-dən iyulun 19-dək ABŞ, Kanada və Meksikada keçiriləcək dünya çempionatının (DÇ2026) final mərhələsinə yandırmış olacaq.

Onu da qeyd edək ki, sayca 23-cu olacaq bu mundialda ilk dəfə olaraq 48 komanda mübarizə aparacaq.

İNTİQAM Məmmədov