Oğlanlardan ibarət U-20 voleybol yığmamız EEVZA çempionatına yollanıb 

11-14 yanvar günlərində Polşanın Qojuv-Velkopolski şəhərində 20 yaşadək (U-20) qğlanlar arasında voleybol üzrə EEVZA (Şərqi Avropa Voleybol Zonal Assosiasiyası) çempionatı keçiriləcək. Çempionatda Azərbaycan yığması da iştirak edəcək. Azərbaycan Voleybol Federasiyasından verilən məlumata görə, baş məşqçi Səbuhi Əliyevin rəhbərliyi altında Polşaya yollanan komandamız sözügedən turnirdə Latviya, Ukrayna, Estoniya və ev sahibi Polşa kollektivi ilə üz-üzə gələcək. Turnirin təqviminə əsasən yığmamız ilk matçını yanvarın 11-də Estoniya komandasına qarşı keçirəcək. Yığmamızın digər oyunlarına gəlinə, yanvarın 12-də komandamıza Ukrayna, yanvarın 13-də Latviya, yanvarın 14-də isə Polşa millisi rəqib olacaq.

Qeyd edək ki, 10-14 yanvar tarixlərində baş tutacaq yarış “AVRO-2024”ə seçmə xarakteri daşıyır. Reqlamentə əsasən, çempion qitə birinciliyinin final mərhələsinə vəsiqə əldə edəcək.

EEVZA-da mübarizə aparacaq U-20 millimizin heyəti belədir:

Oyunçular: Cəlilov Camal, Qəhrəmanlı Rəvan, Quliyev Camal, Qasımov Oqtay, Hüseynli Rəvan, İsmayılzadə Əziz, Qasımov Nihad, Bağırov Ramiz, Əhmədov Səid, Nəbiyev Natiq, Xəlilov Həsən, Hüseynli Kamil, Həsənov Riyad, Hacıyev Azay

Baş məşqçi - Əliyev Səbuhi, məşqçi - Qəhrəmanov Dilqəm

Menecer - Babayeva Səbinə

Həkim - Nəcəfova Sevinc

İNTİQAM Məmmədov