Masallının təhsil ocaqlarında Bilik Günü

15 Sentyabr – Bilik Günü münasibətilə Masallı rayonunun ümumtəhsil müəssisələrində tədbirlər keçirilib.
Tədbirlər öncəsi Dövlət himnimiz səsləndirilib, Ümummilli Lider Heydər Əliyevin və torpaqlarımızın bütövlüyü uğrunda canlarını fəda edən şəhidlərimizin əziz xatirəsi bir dəqiqəlik sükutla yad olunub.
Təhsil işçilərini, müəllim və şagirdləri, valideynləri 2025-2026-cı tədris ilinin başlanması münasibətilə təbrik edən çıxışçılar onlara uğurlar arzulayıblar. Qeyd olunub ki, ölkə Prezidenti cənab İlham Əliyevin, Birinci vitse-prezident Mehriban xanım Əliyeva təhsil sisteminin maddi-texniki bazasının möhkəmləndirilməsinə göstərdikləri yüksək qayğı və diqqət Masallı rayonunda da müsbət nəticələrini verir. 
Məktəblilər Ulu Öndərə, Vətənə, elmə, biliyə aid şeirlər səsləndiriblər.
Tədbirlər zamanı ötən tədris ilində fərqlənənlərə fəxri fərman və hədiyyələr təqdim olunub.
İlk dərslər “Konstitusiya və Suverenlik ili” mövzusuna həsr edilib.
Qeyd eədk ki. Rafiq Əlhəsənov adına Masallı şəhər 1 saylı tam orta, Bəşir Nuriyev adına Binə Xocavar kənd tam orta, Qəhrəman İsmayılov adına Şərəfə kənd tam orta və Rövşən Nəbiyev adına Təzəkənd kənd tam orta ümumtəhsil məktəblərindəki tədbirlərə Masallı Rayon İcra Hakimiyyətinin başçısı Araz Əhmədov və Masallı Rayon Təhsil sektorunun müdiri Elman Rzayev də qatılıb.

Akif AĞAYEV