Misir Mərdanov:

Sabir Hüseynzadənin “Зеркальная симметрия и связанные с ней инварианты” mövzusunda məruzəsini dinlədik

Martın 5-də AR Elm və Təhsil Nazirliyi Riyaziyyat və Mexanika İnstitutunun seminarında Moskva Dövlət Universitetinin Mexanika-riyaziyyat fakültəsinin ali həndəsə və topologiya kafedrasının professoru, dünya şöhrətli həmyerlimiz Sabir Məcid oğlu Hüseynzadənin “Зеркальная симметрия и связанные с ней инварианты” mövzusunda məruzəsini dinlədik.

Əziz dostlar, diqqətinizə çatdırım ki, Sabir Məcid oğlu Hüseynzadə 29 iyul 1950-ci ildə Moskva şəhərində anadan olmuş, orada orta məktəbi bitirmiş, beynəlxalq riyaziyyat olimpiadasında qızıl medal almış, 1966-cı ildə Moskva Dövlət Universitetinin Mexanika riyaziyyat fakültəsinə daxil olmuş, 1971-ci ildə həmin fakültəni bitirmişdir. 1975-ci ildə Rusiya Elmlər Akademiyasının akademiki, Filds mükafatı laureatı, Sergey Novikovun rəhbərliyi ilə namizədlik, 1991-ci ildə doktorluq dissertasiyası müdafiə etmişdir.

Hazırda Moskva Dövlət Universiteti Mexanika-riyaziyyat fakültəsinin Ali həndəsə və topologiya kafedrasının professorudur. Eyni zamanda Moskva Müstəqil Universitetində dərs deyir. Moskva Dövlət Universitetinin fəxri professorudur.

Sabir Hüseynzadə 1998-ci ildə 61-ci Moskva riyaziyyat olimpiadasının təşkilat komitəsinin sədri olmuş, “Moskva Riyaziyyat” jurnalının redaktoru, bir neçə jurnalın redaksiya heyətinin üzvüdür.

Sabir Hüseynzadə 200-dən çox elmi əsərin müəllifidir.

O, Moskva Riyaziyyat Cəmiyyətinin üzvüdür.

Atası Məcid Əziz oğlu Hüseynzadə 1916-cı ildə İranın Ərdəbil şəhərində anadan olmuş, 1932-ci ildə ailəsi ilə Azərbaycana köçmüş, 1935-ci ildə Moskva Dövlət Universitetinin Fizika fakültəsinə qəbul olmuş, 1936-cı ildə Azərbaycan Dövlət Universitetinin Fizika-riyaziyyat fakültəsində davam etdirmiş, 1941-ci ildə universiteti bitirmiş, 1942-1945-ci illərdə İkinci Dünya Müharibəsində iştirak etmiş, 1950-ci ildə namizədlik, 1962-ci ildə doktorluq dissertasiyası müdafiə etmişdir. 1952-ci ildən 1962-ci ilə qədər Qubkin adına İnstitutun Nəzəri mexanika kafedrasında müəllim, 1962-1989-cu illərdə həmin institutun Ali riyaziyyat kafedrasının müdiri vəzifəsində işləmiş, 2006-cı ildə Moskva şəhərində vəfat etmişdir.

Məcid Hüseynzadə 150 elmi məqalənin, 28 monoqrafiya, dərslik və dərs vəsaitinin müəllifi olmuşdur.

* * *

Fikret Shiriyev

Hörmətli Misir müəllim! Belə böyük və nəcib işlərə görə Sizə çox təşəkkürlər düşür. Xalqın özünü özünə tanıtmaqdan gözəl bir əməl yoxdur!

Arif Salimov

Sabir Hüseyinzade " Hendese ve Topologiya" sahəsində çox tanınmış bir alimdir. O Novikov ve Arnold kimi alimlerle birlikde calışmışdır. Misir muellime xüsusi təsəkkür edirik ki, bu cür alimler üçün seminar təşkil edir. Misir müellim o qeder diqqetlidir ki, "Hendese ve Topologiya" üzre ixtisasçı olduğuma göre bu seminara telefon edib meni de çagırmışdı.

Riaziyyat ve Mexanika İnstitutunun bu cür tedbirler ile son 12-13 ildə keçdiyi yol çox böyük alqışa layiqdir.

Mahmudi Adil

Sağ olun hörmətli Misir müəllim! Xaricdə fəaliyyət göstərən azərbaycanlıların vətənə gətirmək və onları tanıtdırmaq böyük işdir Həm də dəyərli işdir! Bunlar unudulmamalıdır.

Sağ olun ki, varsınız və həmişə də var olun!

Бахтияр Наджафов

Məcid müəllimə Allah rəhmət etsin..Məkanı cənnət olsun .Çox böyük şəxsiyyət hesab edilməlidir...Belə maraqlı faktlar haqqında məlumat verdiyi üçün Misir müəllimə təşəkkür edirəm... Olduqca böyük işlər görürsünüz...

QEYD. Başlıqlar "Facebook" sosial şəbəkəsindəki başlıqla eynilik təşkil edir.