Alimlər əməliyyat üçün ən riskli günü açıqlayıblar

Texasdakı Hyuston Metodist Xəstəxanasının alimləri müəyyən ediblər ki, cümə günü əməliyyat olunan xəstələrdə ölüm, ağırlaşma və yenidən xəstəxanaya yerləşdirilmə riski digər günlərdə əməliyyat olunanlara nisbətən daha yüksəkdir. 

Alimlər 2007-ci ilin əvvəlindən 2019-cu ilin sonuna qədər Kanadanın Ontario əyalətindəki xəstəxanalarda ümumi cərrahi əməliyyatlara (cəmi 25 növ) məruz qalmış 430.000 nəfərin tibbi qeydlərini təhlil ediblər.

Məlum olub ki, "Cümə" xəstələri həftəsonundan dərhal sonra əməliyyat keçirənlərə nisbətən orta hesabla 5% daha çox xəstəxanaya yerləşdirilir, ölür və ağırlaşmalar olur. Bu tendensiya seçmə əməliyyatlarda və ortopedik cərrahiyyə və urologiya kimi sahələrdə bir qədər güclüdür.

Tədqiqatçılar izah etdilər ki, təhlil bir çox klinikada xəstələrin məlumatlarını əhatə edir və oxşar nəticələr əvvəllər digər ölkələrdə oxşar tədqiqatlarda nümayiş etdirilib. Bu onu göstərir ki, “həftə sonu effekti” bütün dünyada səhiyyə sistemlərində mövcuddur.

Alimlər qeyd ediblər ki, həftə sonları tibb müəssisələri adətən qısaldılmış qrafiklə işləyirlər. Bu o deməkdir ki, xəstələr şənbə və bazar günləri daha aşağı keyfiyyətli xidmət ala bilərlər. Cümə günü cərrahiyyə əməliyyatlarından xəstəxanalarda sağalan insanlar da oxşar risk altında ola bilər. Həmçinin, tədqiqatçıların fikrincə, daha az təcrübəsi olan gənc cərrahlar cümə günləri əməliyyat keçirməyə daha çox meyllidirlər.