İddiaçılar turniri ikinci dövrə ilə davam edir

Nicat Abbasov ikinci dövrəyə də Yan Nepomniyaşiylə başlayır

Kanadanın paytaxtı Torontoda şahmat üzrə keçirilən və Dünya Şahmat Tacı uğrunda final matçına seçə xarakteri daşıyan iddiaçılar turniri birgünlük fasilədən sonra bu gün ikinci dövrəinin ilk turu ilə davam edəcək. Qeyd edək ki, mükafat fondu 930 min manat təşkil edən turnirin ikinci dövrəsinin ilk turunda (8-ci tur) azərbaycanlı qrossmeyster, hazırda turnirin autsayderi olan Nicat Abbasob yarış cədvəlinə şəriksiz liderlik edən rusiyalı Yan Nepomniyaşiy ilə qarşılaşacaq. 

Xatırladaq ki, Abbasov turnirin birinci dövrəsində məh Yan Nepomniyaşiy, Xikaru Nakamura (ABŞ), Əlireza Firuzca (Fransa) və Vidit Santoşla (Hindistan) heç-heçə oynayıb. Fabiano Karuna (ABŞ), Qukeş Dommaracu və Rameşbabu Praqnanandxa (hər ikisi Hindistan) oyunda isə məğlub olub. 

Birinci dövrədən sonra (7 tur) yarış cəıdvəlində vəziyyət belədir: Nepomniyaşiy  – 4,5 xal, Dommaracu, Karuana. Rameşbabu - hərəyə 4 xal, Nakamura, Santoş - hərəyə 3,5 xal. Firuzca - 2,5 xal, Abbasov - 2 xal. 

Qeyd: İddiaçılar turnirinin qalibi sonda hazırki dünya çempionu Dinq Lirenlə (Çin) Dünya Şahmat Tacı uğrunda final görüşünə çıxacaq. 

İNTİQAM Məmmədov