Beş güləşçimiz Bakı-2024-ün yarımfinalında 

Aprelin 5-də Bakıdakı Milli Gimnastika Arenasında Azərbaycan da daxil olmaqla 33 ölkəni təmsil edən 297 (117 yunan-Roma, 83 qadın, 97 sərbəst güləş) idmançının iştirakı ilə startı verilən və Paris-2024-ə lisenziya xarakteri daşıyan Avropa Olimpiya Təsnifatlı güləş turniri artıq başa çatmaq üzrədir. Yunan-Romaçıların və qadın güləşçilərin mübarizə apardığı ilk iki gündən sonra meydan sərbəst güləşçilərin ixtiyarına verilib. Turnirin son günü Azərbaycan mübarizəyə 5 güləşçi ilə qatılıb. Bu beşlikdə isə - Əliabbas Rzazadə (57 kq), üçqat dünya çempionu Hacı Əliyev (65 kq), Turan Bayramov (74 kq), Osman Nurmaqomedov (86 kq) və Georgi Meşvidişvili (125 kq) cəmləşib.

Sevindirici haldır ki, təmsilçimizim beşi də uğurlu çıxış edərək yarımfinala yüsəlib. Bu isə pəhləvanlarımızın qarşıya qoyduqlara məqsədə çatmağın bir addımlığında olmaları deməkdir. Belə ki, reqlamentə görə, hər çəki dərəcəsində finala yüksələn iki idmançı Paris (Fransa) Olimpiadasına lisenziya qazanacaq. Yarşmfinal görüşləıri saat 18:00-da başlanacaq. 

57 kq-da güləşən təmsilçimiz Aliabbas Rzazadə lisenziya uğrunda finala çıxışda Vladimir Yeqorovla (Şimali Makedoniya) ilə qarşılaşacaq. Cütün qalibi Olimpiada-2024-ə vəsiqə qazanmış olacaq. 

65 kq-da 3 qat dünya çempionumuz Hacı Əliyev finala çıxışda albaniyalı İslam Dudayevi məğlub etməyə çalışacaq.
74 kq çəkidə baş tutacaq yarımfinal görüşündə Turan Bayramov italiyalı Frank Çamizoyla üzləşəcək.

86 kq-da Osman Nurmaqomedov ukraynalı Vasiliy Mixaylovla güləşəcək.

125 kq-da çıxış edən təmasilçimiz Georgi Meşvildişvili isə finala çıxışda bolqar güləşçi Alen Xubulovla qurşaq tutacaq. 

Yarımfinal görüşlərinin bütün qalibləri Paris Olimpiadasına lisenziya qazanacaq. 

Xatırladaq ki, ev sahibliyi etdiyi bu turnirdə yunan-Romaçıları (4 güləşçi) və qadın güləşçiləri (5 nəfər) fiaskoya uğrayan Azərbaycan iniyədək cəmi 3 lisenziya qazana bilib ki, bunlardan da biri sərbəst güləşçi Maqomedxan Maqomedovun (97 kq), ikisi isə klassiklər - Sənan Süleymanovla (7 kq) Həsrət Cəfərovun (67 kq) aktivinə yazılıb. 

İNTİQAM Məmmədov