"Klassiklərimiz" Bakı-2024-də fiaskoya uğrayıblar

Aprelin 5-də Bakıdakı Milli Gimnastika Arenasında güləş üzrə Avropa Olimpiya Təsnifatli turnirə start verilib. Turnirin ilk günü "klassiklər" (Yunan-Romacilar) mübarizə aparıblar. Turnirə ev sahibliyi edən Azərbaycan yığması bu yarışa dörd idmançı ilə qatılıb. Təəssüflər olsun ki, bu dördluyumuzdən heç biri qarşıya qoyulan məqsədə çatmayıb. Döşək üzərinə çıxan təmsilçilərimizin hamısı fiaskoya uğrayıb.

Onlardan yalnız Beka Kandelaki (130 kq) məqsədə biraz yaxın olub. Belə ki, ilk iki görüşünü qələbə ilə başa vuraraq yarımfinala yüksələn Kandelaki bu mərhələdə məqlub olaraq finaldan və eyni zamanda Paris-2024-də iştirak etmək hüququ verən lisenziyadan kənarda qalıb.

İlk gündə mübarizəyə qatılan digər təmsilçilərimizə gəlincə, 97 kq-da Murad Əhmədiyev, 60-da isə Nihat Məmmədli ikinci, 87 kq çəki dərəcəsində çıxış edən İslam Abbasovsa ilk görüşdəcə büdrəyərək mübarizəni daha erkən dayandirib. Bununla da Azərbaycanin yunan-Roma güləşi üzrə yığması ev sahibliyi etdiyi turnirdə fiaskoya uqrayib.

Aprelin 6-da isə döşək qadın güləşçilərin ixtiyarına veriləcək. Bu növdə ölkəmizi 5 idmançı təmsil edəcək. Həmin beşlikdə isə Mariya Stadnik (50 kq), Elnurə Məmmədova (53 kq), Jalə Əliyeva (57 kq), Birgül Soltanova (62 kq) və Elis Manolova (68 kq) yer alıb. 

Qeyd edək ki, burada da ilkin təsnifat görüşlərinə saat 10:30-da start veriləcək. Saat 18-də isə lisenziya verən yarımfinal qarşılaşmaları olacaq. Hər çəkidə finala yüksələn iki idmançı Olimpiada-2024-ə lisenziya qazanacaq.

Üç gün davam edən turnirə aprelin 7-də sərbəst güləşçilərin çıxışı ilə yekun vurulacaq.

Xatırladaq ki, Azərbaycan güləş növü də indiyədək üç lisenziya qazanıb. 

İNTİQAM Məmmədov