Məmmədəliyev İJF-nin reytinq cədvəlində 7, Talıbovsa 11 pillə irəliləyib

Antalyada (Türkiyə) kişi və qadın cüdoçular arasında keçirilən reytinq xarakterli Böyük Dəbilqə turnirindən sonra İJF (Beynəlxalq Cüdo Federasiyası) tatami ustalarının yeni reytinq cədvəlini açıqlayıb. Turnirin neticələri yeni cədvəldə öz əksini tapıb. Belə ki, Antalya Dəlbilqəsində gümüş medal qazan cüdoçularımızdan Rəşid Məmmədəliyev (73 kq) 2709 xalla 7 pillə irəliləyərək 21-i olub.

Eyni turnirdə eyni nəticə ilə yadda qalan Vüqar Talıbov (90 kq) isə 2279 xalla 11 pillə yüksələrək 24-cu yerə qalxıb. 

Digər cüdoçularımıza gəlincə, 73 kq-da güləsən Hidayət Heydərov (6811 xal) yenə də öz çəkisinin lideridir. 100 kq-da çıxış edən Zəlim Kotsayev (5570) isə ikinci pillədəki mövqeyini qoruyub saxlaya bilib.

Balabəy Ağayev (60 kq, 4516 xal), Yaşar Nəcəfov (66 kq, 3931 xal), Zəlim Tskayev (81 kq, 4579 xal) öz çəkisində 6-cidir. 

81 kq çəkidə tatamiyə çıxan Səid Mollai (3583) və Murad Fətiyev (90 kq, 3731 xal) top-10-u tamamlayır. +100 kq-da güləsən Uşanqi Kokuarisə (3300 xal) hazırda 13-cu yerdədir.

Qadın cudocularimiza gəlincə, ən yaxşı göstərici Gültac Məmmədəliyevaya (52 kq) məxsusdur. Aktivində 2625 xalı olan Gültac 17-vidir. 48 kq-da tatamiyə çıxan Leyla Əliyeva (2679) hazırda 22-ci yerdədir.

Qeyd: istər kişilər, istərsə də qadınlar yekun turnir cədvəlində 1-17-ci yerləri tutduğu halda Olimpiya Oyunlarına lisenziya qazanacaq.

Lisenziya xarakterli turnirlərə isə mayın sonunda yekun vurulacaq.

İNTİQAM Məmmədov