Sərbəst güləş üzrə yığmamız 6 medalla Avropada üçüncü olub

Azərbaycan Avro-2024-u 16 medalla başa vurub

Rumıniyanın paytaxtı Buxarestdə kişi və qadın güləşçilər arasında keçirilən və Azərbaycan yığmasının da iştirak etdiyi Avropa çempionati sərbəst güləşçilərin çıxışı ilə başa çatıb. 

Qeyd edək ki, bu yarışı 7(0-1-6) medal və 122 xalla başa vuran komandamız Türkiyə (140 xal) və Gürcüstandan (130 xal) sonra komanda hesabında Avropanın üçüncüsü olub. 

Yiqmamizin aktivinə yazılan medallara gəlincə, yeganə gümüşü yalnız həlledici finalda büdrəyən Maqomedxan Maqomedov (97 kq) qazanıb. Bürünc medallar isə çıxışını üçüncü yerdə başa vuran İslam Bazarqanov (57 kq), Nurəddin Novruzov (61 kq), Əli Rəhimzadə (65 kq), Turan Bayramov (74 kq), Arseniy Cioyev (86 kq) və Qeorqiy Mesvildisvilinin (125 kq) payına düşüb. 

Xatırladaq ki, sərbəst güləşçilərdən öncə yarışı başa vuran qadın komandamız 3 (2-0-1) medal və 83 xalla komanda hesabında Avropada Ukrayna (147 xal), Türkiyə (142 xal) və Rumıniyadan (101 xal) sonra dördüncü yeri tutub.

Yunan-Roma üzrə yığmamız isə 6 (3-2-1) medal və 142 xalla yalnız Türkiyədən geri qalmaqala Avropanın ikincisi olub.

Ümumiyyətlə, Azərbaycan bu yarışı 16 (5-3-8) medalla bitirib. 

İNTİQAM Məmmədov