Taekvondoçularımız İranda 2 turnirdə iştirak edəcəklər

İranın paytaxtı Tehranda taekvondo üzrə kişi və qadın arasında iki ənənəvi beynəlxalq turnir keçiriləcək. Hər iki turnirdə Azərbaycan idmançıları da iştirak edəcəklər. Azərbaycan Taekvondo Federasiyasından verilən məlumata görə 12-15 fevral günlərində "Fəcr Kuboku -2024", fevralın 16-dan 19-dək isə Dünya Taekvondosunun Prezidentinin Kuboku uğrunda yarış keçiriləcək. 

Dünən həm kişi, həm də qadınlardan ibarət komandamız İrana yola düşüb.

Yiqmanin böyük məşqçisi Elnur Amanovun rəhbərlik etdiyi kişi komandanın heyətində Seyid Dadaşov (58 kq), Ruslan Seyidov, Malik Abbasov, Yusif Qurbanov, Adil Eyvazov ( hamısı 58 kq), Riyad Şirəliyev, Pərviz İsgəndərov (hər ikisi 63 kq), Yaşar Məmmədli, Vaqif Hacıyev, Xanlar Xanəhmədov, Vüqar Baqirov (hamısı 68 kq), Ələsgər Əliyev, Nicat İsmayılzadə (74 kq), Eltac Qafarov (80 kq) və Taleh Süleymanov (87 kq) cəmləşib.

Böyük məşqçi Seulvi Ki və məşqçi Zahid Məmmədovun rəhbərliyi altında İrana gedən qadın komandamızın heyətində isə Səlimə Quliyeva (46 kq), Aylin Eynullayeva (49 kq), Nigar Abdullayeva (53 kq), Leyla Bəşirova, Nərgiz Kazımova ( hər ikisi 57 kq), Meylin Məmmədzadə (62 kq), Nərmin Ansari (67 kq) yer alıb.

Fevralın 10-da İrana gedən komandalarımız fevralın 20-də Vətənə dönəcəklər.

İNTİQAM Məmmədov