"Xırdalan" "Sabah"ı udmaqla turda sensasiya yaradıb

Kişi basketbol klublarının mubarizə apardığı ABL-in müntəzəm çempionatının 12-ci turu davam edir. Turda keçirilməsi nəzərdə tutulan 5 oyundan 3-ü artıq baş tutub. Bu oyunlar arasında ən diqqət çəkəni və sensasiya yaradanı ölkə çempionu adını daşıyan və geridə qalan 11 turdan sonra 21 xalla yarış cədvəlinə vahid liderlik edən "Sabah"la ortabablardan sayılan "Xırdalan" arasında baş tutan oyun olub. Qeyd edək favoriti "Sabah" sayılan bu oyunda hər şey əksinə olub. "Xırdalan" klubu qarşılaşmadan 4 xal fərqli qələbə ilə ayrılıb - 103:107 (20:34, 29:21, 25:16, 17:20, 12:16). Bu xal itkisi "Sabah"ın vahid liderlik hüququnu əlindən alıb.

Keçirilən digər oyunlara gəlincə, "Xəzri" "Cəlilabad" klubunu 100:81 (28:20, 25:20, 25:17, 22:24), "Sərhədçi" isə "Sumqayıt"i səfərdə 63:91 (11:27, 26:18, 5:33, 21:13) hesabla məqlibiyyətə uqradib. "Xəzri"nin turu qələbə ilə bitirməsi ona aktivindəki xalların sayını 22-yə çatdırmaqla lideri haqlamaq imkanı verib. Hazırda həm "Sabah"ın, həm də, "Xəzri"nin aktivində 22 xalı var.

Şübhəsiz ki, yanvarın 27-də keçiriləcək "Gəncə" - "NTD-İndiqo" matçında ikinci qalib gələrək o da liderlərə çatacaq və bununla da yarış cədvəlinin liderlər qrupunda üç hakimiyyətlilik yaranacaq. 

Tura yanvarın 28-də "Şəki"-"Neftçi" qarşılaşması ilə yekun vurulacaq.

İNTİQAM Məmmədov