"Facebook" və "Instagram" fakt yoxlamasını ləğv edəcək

Meta qurucusu Mark Zukerberq istifadəçi lentlərində siyasi məzmunu məhdudlaşdıran dəyişiklikləri ləğv etmək qərarını açıqlayıb.

Bu yeniliklər "Facebook" və "Instagram"a təsir edir.

Meta qrupunun sosial şəbəkələrində artıq fakt yoxlama sistemi mövcuddur. Facebook-un saytına görə, bunu "müstəqil Beynəlxalq Fakt Yoxlama Şəbəkəsi və ya Avropa Fakt Yoxlama Şəbəkəsi tərəfindən sertifikatlaşdırılmış müstəqil üçüncü tərəf fakt-yoxlama təşkilatları" həyata keçirir.

“İfadə azadlığının köklərinə qayıtmağın vaxtıdır. Biz fakt yoxlamasını icma qeydləri ilə əvəz edirik, qaydaları sadələşdiririk və diqqətimizi xətaların azaldılmasına yönəldirik. Növbəti fəsli səbirsizliklə gözləyirik”, - Meta rəhbəri bildirib.

“Verified Media” layihəsinin baş redaktoru və Facebook fakt yoxlayıcısı İlya Ber Metanın sosial şəbəkələrdə məzmun moderasiyası siyasətini dəyişmək qərarını tənqid edib. “Bütün fakt yoxlayan cəmiyyət kimi mən də buna pis reaksiya verirəm. Bu geriyə böyük bir addımdır. Və Zukerberqin hansı şəraitdə bu açıqlamanı verməsindən, kameranın hansı tərəfindən, obrazlı desək, qoşa lüləli silahın ona tuşlanmasından asılı olmayaraq, seçdiyi sözlər mesaj kimi çox pis və zərərlidir. Faktların yoxlanılması heç bir halda senzura deyil. Bu doğru deyil, bu iki fenomeni eyniləşdirir” dedi.

Sentyabrın əvvəlində Instagram valideyn nəzarəti olan yeniyetmələr üçün hesablar təqdim etdi.