Misir Almaniyadan Nefertitinin büstünü qaytarmağı tələb edir

Əvvəllər Misirin Qədim Əsərlər Naziri vəzifəsində çalışmış misirli arxeoloq Zahi Hawass 20-ci əsrin əvvəllərində Almaniyaya aparılan Kraliça Nefertitinin büstünün geri qaytarılmasını tələb edən petisiya yaradıb.

Nefertitinin əhəng daşından hazırlanmış büstü hazırda Berlindəki Neues muzeyində saxlanılır. Artefakt 1912-ci ildə Qahirədən 300 km aralıda Tell-əl-Amarnada alman arxeoloji ekspedisiyasının bir hissəsi kimi aşkar edilib. Bir il sonra tapıntı Almaniyaya aparıldı. Amarna qısa müddət ərzində eramızdan əvvəl 1335-ci ilə qədər qədim Misirin paytaxtı olmuşdur. 

Akhenaten dini islahatlara girişməsi, tanrı Atenə sitayiş etməyə çağırması ilə tanınır ki, bu da təkcə misirlilərin inanclarına deyil, həm də dövrün sənətinə təsir edib. Arxeoloqlar qeyd edirlər ki, bu dövr Misirin mədəni irsinə köklü şəkildə təsir edib.

Sentyabrın 7-də dərc olunmuş petisiyasında Hawass büstün qanunsuz götürüldüyünü vurğulayaraq, onun vətəninə qaytarılmasını istəyib. O, həmçinin ictimaiyyətə müraciət edərək onun təşəbbüsünü dəstəkləməyə və saytda petisiya imzalamağa çağırıb.

Hawass, tələbinin yalnız Nefertitinin büstü, Rosetta Daşı və Dendera Bürcünə əlavə olaraq qanun pozuntuları ilə Misirdən çıxarılan artefaktlara aid olduğunu açıqladı. Reuters-in məlumatına görə, Berlinin Yeni Muzeyinin nümayəndələri hələlik bu məsələyə münasibət bildirməyiblər.