AMEA-nın yeni loqotipinin hazırlanması üçün təqdim edilən layihələrə yekun baxış keçirilib

Azərbaycan Milli Elmlər Akademiyasının Rəyasət Heyətində fevral ayında elan olunmuş AMEA-nın yeni emblemi və loqosunun hazırlanması üçün elan olunmuş müsabiqəyə təqdim edilən layihələrə yekun baxış keçirilib. 2-ci yekun baxış müzakirələrdən sonra rəssamlara xüsusi önəm, dəyər verən, qayğı göstərən Akademiyanın prezidenti, görkəmli akademik İsa Həbibbəyli və Rəyasət Heyətinin məsul işçiləri tərəfindən rəsmlərə baxış keçirilmiş, müxtəlif rəy və fikirlər verilmişdir. Nəticədə 2 namizədin emblem və loqosu bəyənilərək Akademik İsa Həbibbəyli tərəfindən təsdiqlənib. 1-ci yerə tanınmış ictimai xadim və incəsənət xadimi, rəssam Minayə Dəyanət Feyzullayeva,  2-ci yerə isə kitabxanaçı Şəlalə xanım layiq görülüb. Həmçinin, sərgisdə iştirak edən bütün rəssamlar da öz maraqlı əl işləri ilə ekspozisiyanı daha da zənginləşdirərək  gözəl fikirlərə, rəylərə şahidlik ediblər. Eləcə də sərgidə tanınmış ziyalılar, akademiklər və mətbuat işçiləri iştirak ediblər. Sonda Akademiyanın prezidenti akademik İsa Həbibbəyli çıxış edərək rəsmlərin əksəriyyətini gözəl, mənalı və elmi cəhətdən baxımlı olduğunu qeyd edərək,  bütün iştirakçılara  təşəkkürlərini bildirib. Qeyd etdi ki, Akademiyanın rəssamları tərəfindən yeni yaranmış emblem və loqo ümumilikdə Akademiyanın uğuru, bütün işçilərinin qalibiyyətidir. Müsabiqənin sonunda qaliblər təbrik edildi və xatirə şəkli çəkdirildi.