İkinci Dünya müharibəsi zamanı alman əsgərləri narkotik qəbul edirdilər

Vermaxt əsgərlərinə dərman II Dünya müharibəsi boyu verilirdi. Pervitin (metamfetamin) onlara uzunmüddətli məcburi yürüşlərə tab gətirməyə və ən çətin şəraitdə döyüşməyə kömək etmişdi. Üçüncü Reyxdə narkotik istifadəsi ilə bağlı kitabın müəllifi farmakoloq Volf Kemper deyir: "İdeya adi əsgərləri, dənizçiləri və pilotları fövqəlbəşəri qabiliyyətlərə malik robotlara çevirmək idi". Berlin Hərbi Tibb Akademiyasının Fiziologiya İnstitutunun rəhbəri Otto Ranke Adolf Hitlerə Pervitindən istifadə etməyi təklif edib. İkinci Dünya müharibəsi zamanı Hitler əsgərləri 200 milyon Pervitin tableti götürüblər. 

Müharibənin son günlərinə qədər nasist həkimləri “gizli silahlarını” təkmilləşdirməyə çalışdılar və pervitin və kokainə əsaslanan yeni dərman hazırladılar. Və orduda istifadə etməzdən əvvəl dərman konsentrasiya düşərgələrində sınaqdan keçirildi. Zaksenhauzendə dərman qəbul etdikdən sonra məhbuslar onun insan dözümlülüyünə təsirini qiymətləndirmək üçün bir neçə günlük məcburi yürüşlər keçirməyə məcbur oldular. Metamfetamin ən çox yayılmış stimullaşdırıcı dərmanlardan biridir. İlk dəfə 1919-cu ildə yapon alimi Akira Oqata tərəfindən sintez edilmişdir. Yapon hərbçiləri, o cümlədən kamikadzelər də bu dərmandan fəal istifadə edirdilər. Almaniyada pervitinin kütləvi istehsalına 1938-ci ildə başlanılıb. Hitler özü də bundan istifadə edirdi. Müharibənin sonuna qədər o, gündə on həb alırdı.