İstiqlal Muzeyinə hədiyyə olunmuş rəsm əsərinin təqdimatı keçirilib

5 aprel 2024-cü il tarixində Azərbaycan İstiqlal Muzeyində həyata keçirilən "Mədəniyyət xeyriyyəçilik" layihəsi çərçivəsində Xalq rəssamı Altay Hacıyevin qızı Səyyarə Hacıyeva tərəfindən  İstiqlal Muzeyinə hədiyyə olunmuş “ Həmidə Cavanşir və Cəlil Məmmədquluzadə” adlı rəsm əsərinin təqdimat mərasimi keçirildi. Bu layihə çərçivəsində Xalq rəssamları Xanlar Əhmədov və Əşrəf Heybətov, rəssam Nazim Məmmədov, heykəltəraşlar Rahib Qarayev və Nəriman Tağıyev öz əsərlərini İstiqlal Muzeyinə hədiyyə etmişdirlər.
Keçirilən tədbir-sərgidə rəssamın Azərbaycan İstiqlal Muzeyinin fondunda qorunub saxlanılan və onun şəxsi kolleksiyasından olan rəsm əsərləri nümayiş olundu.  Qonaqların əsas diqqətini çəkən  “ Həmidə Cavanşir və Cəlil Məmmədquluzadə” adlı  portret əsəri oldu. Həmçinin  rəngarlıq əsərlərindən olan “Sara Xatun” , “Xurşudbanu Natəvan”, “ Aşıq Pəri”, “ Məhsəti Gəncəvi” əsərləri sərgidə nümayiş olundu.
Tədbirdə Xalq rəssamı Altay Hacıyevin ailə üzvləri, Azərbaycan Respublikası Mədəniyyət Nazirliyinin İncəsənət və qeyri-mədəni irs şöbəsinin şöbə müdiri Sevil Kərimova, Əməkdar incəsənət xadimi, sənətşünas, sənətşünaslıq üzrə fəlsəfə doktoru Ziyadxan Əliyev, Azərbaycanın Xalq rəssamı Arif Hüseynov, C.Cabbarlının ev muzeyinin direktoru Qəmər xanım Seyfəddinqızı, Bülbülün ev muzeyinin direktoru Fərqanə xanım Cabbarova, “Yeni Qaleri” Bakı İncəsənət Mərkəzinin rəhbəri Rafael Gülməmmədov və ADRA-ın tələbələri iştirak etdilər. 
Sərgi aprel ayının 16-na kimi davam edəcək.