Türkiyə Demokratiya və Milli Birlik Gününü qeyd edir

Türkiyə bu gün Demokratiya və Milli Birlik Gününü qeyd edir.

AZpressTİMES.info xəbər verir ki, 15 iyul 2016-cı ildə Türkiyə xalqı Prezident Rəcəb Tayyib Ərdoğanın rəhbərliyi altında hərbi çevriliş cəhdinin qarşısını qəhrəmancasına aldı.

Nəticədə Türkiyə xalqı ölkənin qanuni hakimiyyətini, dövlətçiliyini və ərazi bütövlüyünü müdafiə etdi. Demokratiya və Milli Birlik Günü Türkiyədə rəsmi bayramdır.

Çevriliş cəhdində təxminən 9000 hərbçi, 35 təyyarə, 37 helikopter, 246 zirehli texnika, o cümlədən 74 tank və təxminən 4000 kiçik silah iştirak edib. Hadisələr Ankarada 150, İstanbulda 99 və Muğlada 2 nəfərin ölümü ilə nəticələnib.

Hakimiyyəti zorla ələ keçirmək cəhdi Fətullah Gülənin rəhbərlik etdiyi FETÖ terror təşkilatı tərəfindən həyata keçirilib. Lakin türk xalqı bir daha öz dövlətini, onun qanuni hökumətini və ölkənin bütövlüyünü müdafiə etdi.

Həmçinin, illərdir Türkiyə dövlət qurumları daxilində şəbəkə quran bir terror təşkilatını tamamilə ifşa edə bildik.

2016-cı ildə Azərbaycan Türkiyəyə tam dəstəyini göstərdi. Hadisənin ilk anlarından Prezident İlham Əliyev Türkiyə dövlətini və onun qanuni hökumətini açıq şəkildə dəstəklədiyini bildirdi. Qardaş türk xalqı həmişə Azərbaycanın ədalətli və qətiyyətli mövqeyini yüksək qiymətləndirib.

Türkiyənin parlaq gələcəyi həmişə yaşayacaq!