Fəridə Aslanova: 

Bir maraqlansınlar, bəlkə elə təxribatdır..

Teatrdan evə gələndə "Koroğlu" metrosunun keçidində yenə də o qadını gördüm. Sərilmişdi yağış suyu ilə islanmış, bumbuz daş döşəməyə. Boynubükük oturub diqqət çəkir, guya corab satır. Corabı elə satmaq istəyirsə, keçidin o biri ayağındakı qadın kimi satar. O biri qadın dimdik dayanıb sakitcə öz işində.

Qaraçı millətinin nümayəndələrindən olsaydı, deyərdim adətləridir, onların öhdələrindən gəlmək müşküldür. Bu xanımın dərdi nədir? Xanım? Ayaqlar altında məhv olan?

Bu dünyadan hara gedim ki, bunları görməyim? Alacağım bir-neçə corabla onun yarası sağalacaqsa, hər gün ondan corab alaram. Amma aidiyyəti qurumlar bir maraqlansınlar bu qadının dərdi nədir? Mən etsəm, kimsə üzümə deməsə də, dolayısı yolla deyəcək ki, öl, otur yerində, hər işə burnunu soxma!

Bir neçə gün öncə bu qadının yerində simaca gözəl olan bir gənc xanım vardı, uşaq arabasında da körpəsi. Əl açıb dilənirdi ki, uşağa pampers və yemək almaqçün pula ehtiyacım var. Özü də uşaqların müdafiəsinə aid lövhənin yanında. Bir maraqlansınlar, bəlkə elə təxribatdır, bəlkə ölkəmizdə heç ac uşaq yoxdur... (

Mən bu paylaşımlarla Azərbaycanın iri layihələrinə, gördüyü işlərə kölgə salmaq niyyətində deyiləm, hər dövlətdə bu problemlər mövcuddur, nəticədə bir çıxış yolu olmalıdır. Kütlənin içində, izdihamlı yerlərdə belə mənzərələr ürəkaçan deyil!

Hər dəfə bunları görəndə içimdən bir gizilti keçir, sümüyüm sızlayır, ürəyim ağrıyır, həm fiziki, həm mənəvi ölürəm. Adam öz dərdin çəkə bilmir, bunlar da bir yandan! Qara yola emosional olaydım, görün izdihamdan ötənlərin tükü tərpənir? Elə bil belə də olmalı imiş. Azərbaycan qadını yerlə yeksan olmalı imiş!

COP29 günlərində burada bir ins-cins gözə dəymirdi... O gün bu mövzuda paylaşımımdan sonra bir həftə gözə dəymədilər, yenə buralardadılar.

Bunlar kimin layihələridir? Bəlkə ölkəmizlə düşmənçiliyi olanların planlarıdır.Bəlkə ölkəmizi gözdən salmağa çalışırlar.

* * *

Elshad Pashasoy

Mən bu yağışlı gündə yaşlı qadını İçərişəhər metrostansiyası qarşısındakı keçiddə gördüm. Nəmişli yerdə oturmuşdu, heç nəyə fikir vermədən. Onları rəsmi nümayəndələr dinləməli, dərdin nədir, nə ehtiyacınız var, soruşmalı və ürəkağrıdan bu mənzərələrə son verilməlidir

Zema Hasanova

Koroglu parkinda ailelikce dilenende var abed vaxti bir yere yigishirlar defelerle gormushem(((

QEYD. Başlıqlar "Facebook" sosial şəbəkəsindəki başlıqla eynilik təşkil edir.