Etibar Hüseynov:

Hörmətli Mədəniyyət nazirimiz, bu iki xanım nə etməlidir ki, onları da görəsiniz?

Səhifələr Aygün Bəylərin konsertindən yazılar, videolar paylaşır. Mən indi bildim ki, sən demə Aygün də hələ "Əməkdar" imiş, ona da "Xalq artisti" adı verilməyib. Bu qəbildən haqsızlığa uğramış bir Aybeniz Haşımova olduğunu sanırdım. Demə Aygün Bəylər də varmış.

***

Hörmətli Mədəniyyət nazirimiz Adil Kərimli. Deməyim artıqdı: siz kənardan gəlməyibsiz. Həqiqətləri gorüb-bilmək üçün kifayət qədər yaşınız da var. Ona görə də uzun-uzadı yazıb, sizi nəyəsə inandırmağa ehtiyac yoxdu. Bu iki xanım bütün həyatlarını sənətə həsr edib. Aygün Bəylərin yiyəsi-sahibi olsaydı indi dünya çaplı müğənni olardı. Aybəniz Haşımovanın özünü bir tərəfə qoyaq- tələbələri üzü "Avroviziya" dan tutmuş yerli müsabiqələrdə qalib olublar. Bu iki xanımın vermədikləri konsert, iştirak etmədiyi Dövlət tədbiri qalmayıb. Daha nə etməlidirlər ki, Siz nəhayət ki, bunları görəsiniz?

**"

Bu gün Aybəniz Haşımovanın bir çox tələbələr "Xalq artisti" adı almış bəzi müğənnilərdən daha çox layiqdi o tutula, nəinki Aybəniz xanımın özü. Bu qədər haqsızlıqmı olar?! Bu qədər Allahsızlıqmı olar? Nəyi gözləyirsiz, ölsünlər sonramı qədirlərini biləsiniz?! Zatən onsuz da xəstədilər, hər ikisi canıyla əlləşir.

***

Yadınıza gəlir yəqin ki: Rəhmətlik Səməd Səmədov mətbuata müsahibəsində demişdi ki" Zəng edib dedilər ki: " Samed, təbrik edirəm, sənə "Xalq artisti" adı veriblər", inanmadım, dedim "ala məzələnmə, get tullan".

***

Hörmətli Adil müəllim, deyilənə görə, həmçinin mətbuatın da yazdığına görə yaxşı adamsınız, təmiz adamsınız. Lap yaxşı. Amma lütvən həm də xatirlərdə Yaxşı və Ədalətli nazir kimi qalın...