Nəriman Qasımoğlu: 

BİR ƏSR SONRA

İmtiyaz Darker Pakistan əsilli Britaniya şairidir. 1954-cü ildə Pakistanın Lahor şəhərində anadan olmuş, Şotlandiyada böyümüşdür. Şair olmaqla yanaşı, sosial ədalət və siyasi səbəblərlə bağlı sənədli filmlər çəkir.

“Bir əsr sonra” şeiri məktəbli qızın faciəsinin poetik təsviridir. Qərbdə populyarlaşan şeirlərdən biridir. Şeirin əslini, Azərbaycancasını tərcüməmdə təqdim edirəm

Imtiaz Dharker

A CENTURY LATER

The school-bell is a call to battle,

every step to class, a step into the firing-line.

Here is the target, fine skin at the temple,

cheek still rounded from being fifteen.

Surrendered, surrounded, she

takes the bullet in the head

and walks on. The missile cuts

a pathway in her mind, to an orchard

in full bloom, a field humming under the sun,

its lap open and full of poppies.

This girl has won

the right to be ordinary,

wear bangles to a wedding, paint her fingernails,

go to school. Bullet, she says, you are stupid.

You have failed. You cannot kill a book

or the buzzing in it.

A murmur, a swarm. Behind her, one by one,

the schoolgirls are standing up

to take their places on the front line.

BİR ƏSR SONRA

Məktəb zəngi amansız,

döyüşə qəfil çağrı!

Sinfə girən hər ayaq

atəş xəttinə addım.

Budur burda nişangah –

zərif dərili gicgah,

on beş yaşda bir qızın

yupyumru al yanağı.

Təslim-təslim taleyə

Gedir üzü gülləyə

O getdikcə bir raket

çığır açır fikrində

çiçəkləmiş bir bağa,

günəşlə nəğmələnən,

ətəyi lalələrlə

süslənən bir çöllüyə.

Adidən adi olmaq

onun haqqı, qazanmış –

toya bilərzik taxar,

yanaqları allanar,

dırnaqları boyalı,

hər gün dərsə yollanar.

Ay səni, axmaq güllə,

deyir qız, uduzmusan,

bir kitabı, kitabda keçən xürrəm çağları,

öldürmək sənlik deyil.

öz qəbrini qazmısan

bu gözəl laləlikdə

açdığın o dəlikdə.

O qızın arxasından

arılartək uçuşur

məktəbli rəfiqələr,

bir çiçəkli sahədə

qonub durmaq dilərlər

ön sırada cəbhədə.