Vulkan püskürməsi zamanı alpinistlər möcüzəvi şəkildə ölümdən xilas olublar

İndoneziyada alpinistlər Dukono vulkanının püskürməsindən möcüzəvi şəkildə sağ qalıblar. 

İnternetdə vulkanın qəfil püskürməyə başladığı zaman onlarla alpinistin zirvədə olduğunu göstərən video yayılıb. İndi İndoneziya hakimiyyəti sakinləri və turistləri vulkana çıxmamağa çağırır.

Hazırda vulkanın fəaliyyətinin II səviyyədə olduğu bildirilir və kraterin 3 kilometr radiusunda bütün fəaliyyətlər qadağandır.

Yerli hakimiyyət orqanlarının məlumatına görə, ilin əvvəlindən vulkan 2387 dəfə püskürüb. Bu, Dukono aktivliyinin yüksək olaraq qaldığını göstərir. 

Dukono İndoneziyanın ən aktiv vulkanlarından biridir. Dəniz səviyyəsindən 1335 metr yüksəklikdədir. Vulkan, tektonik plitələrin aşağı düşməsi ilə əlaqəli yüksək vulkanik aktivliyə malik olan "Ad Qövsü" adlanan bölgəyə aiddir.

Dukono 20-ci əsrin əvvəllərindən bəri qeydə alınan daimi püskürmələri ilə tanınır. Vulkan püskürmələri tez-tez vulkanik qazlar və kül buraxaraq yerli əhali və aviasiya üçün təhlükə yaradır.

Dukono kraterinin diametri təxminən 700 metrdir və onun hüdudlarında tez-tez aktiv lava gölləri müşahidə olunur. Vulkan sıx tropik meşələrlə əhatə olunduğu üçün kəşfiyyat işləri çətinləşir. Bununla belə, Dukono özünəməxsus fəaliyyətinə və geoloji xüsusiyyətlərinə görə dünyanın hər yerindən vulkanoloqların diqqətini cəlb edib.