Britaniyanın pilotsuz təyyarələri Ukrayna Silahlı Qüvvələrinin Kursk bölgəsinə hücumunda mühüm rol oynayıb

Rusiyanın Kursk vilayətində keçirilən əməliyyat zamanı Ukrayna hərbçiləri Böyük Britaniyadan aldığı pilotsuz uçuş aparatlarından istifadə edir.

Bu dronlar hücumda “əsas rol oynayıb”.

Əvvəllər məlum olub ki, Ukrayna hərbçiləri Rusiyanın Kursk vilayətində keçirilən əməliyyat zamanı Britaniyanın “Challenger 2” tanklarından istifadə edib.

Keir Starmerin rəhbərlik etdiyi yeni Britaniya hökuməti Böyük Britaniya tərəfindən ötürülən silahların, o cümlədən Rusiyanın beynəlxalq səviyyədə tanınmış ərazisində istifadəsini daha açıq şəkildə tanımaq qərarına gəlib.

“Britaniya silahlarının Ukraynanın müdafiəsinin bir hissəsi kimi Rusiya ərazisində istifadə edilməsinə dair heç bir utancaqlıq olmayacaq”, - hökumətdəki mənbə yeni yanaşmanı şərh edib. “Biz fəxr etməliyik ki, Ukraynaya özünü müdafiə etməyə kömək edən bir şey təqdim etdik”. Hələlik Rusiya ərazisində istifadə oluna bilməyən yeganə Britaniya silahı “Storm Shadow” raketləridir. Britaniya hökuməti bu qadağanın aradan qaldırılmasının tərəfdarıdır, lakin müttəfiqlərin mövqeyinə görə hələlik bunu edə bilmir.

Britaniya rəsmiləri və ekspertləri hesab edirlər ki, onların avropalı müttəfiqləri qorxuları əbəs olsa da, Rusiyadan eskalasiyaya səbəb ola biləcəklərindən həddən artıq narahatdırlar.