Olimpiada-2014-ün son günü Azərbaycan 7-ci medalını qazanıb

Son medal güləşçimiz Maqomedxan Maqomedovun aktivinə yazılıb 

Parisdə (Fransa) keçirilən Yay Olimpiya Oyunlarının (Olimpiada-2024) bu günə təsadüf edən son günündə Azərbaycan komandası daha bir medal qazanıb. Azərbaycanın Olimpiada-2024-də qazandığı sayca 7-ci olan bu bürünc əyarlı medal sərbəst güləşçimiz Maqomedxan Maqomedovun (97 kq) aktivinə yazılıb. O, bürünc medal uğrunda görüşdə Ukrayna təmsilçisi Murazi Mcedlidzeni məğlub edib - 10:0.

Maqomedovun bu medalı Azərbaycan komandasının Olimpiadalar tarixində sayca 56-cı (9-16-31), güləşçilərimizin isə 14-cü (3-4-7) medalı olub. 

Xatırladaq ki, Olimpiada-2024-də Maqomedovdan öncə daha iki güləşçimiz - Həsrət Cəfərov (67 kq, yunan-Roma) və Qeorqiy Meşvildşvili (125 kq, sərbəst) bürünc medal qazanıb.

Bu arada Maqomedxan Maqomedov AGF-nin rəsmi saytına açıqlama verib: "Açıqi deyim ki, mən bu nəticədən məmnunam. Burada medalsız da qala bilərdim. Əslində mən Parisə qızıl medal dalınca gəlmişdim. Çünki Paris-2024-ə tam gücümlə hazırlaşmışdım. Təəssüflər olsun ki, arzumu yerinə yetirə bilmədim. Bəli, bizim komandanın Olimpiada-2024-ə hazırlığımız plan üzrə keçmişdir".

İNTİQAM Məmmədov