Avtomobil oturacaqları salona kanserogen maddələr buraxa bilər

Avtomobil oturacaqlarının doldurucularının əksəriyyətində potensial kanserogen olan və xüsusilə isti havalarda salona buraxılan yanğına davamlı kimyəvi maddə var.

Bu barədə Environmental Science & Technology jurnalında dərc olunan araşdırmada bildirilib.

Tədqiqat zamanı amerikalı alimlər 30 ştatda 2015-2022-ci illərdə istehsal olunmuş 101 avtomobildə havanın tərkibini təhlil ediblər. Araşdırmada benzin, elektrik və hibrid avtomobillərdən istifadə edilib.

Tədqiqatçılar, hazırda ABŞ Milli Toksikologiya Proqramı tərəfindən potensial kanserogen kimi araşdırılan yanğın gecikdirici TCIPP-ni avtomobillərin 99%-də aşkar ediblər. Tədqiq olunan avtomobillərin əksəriyyətində həmçinin kanserogen sayılan digər alov gecikdiricilər, TDCIPP və TCEP aşkar edilib.

Dyuk Universitetinin aparıcı tədqiqatçısı və toksikologiya alimi Rebecca Hoehn, məqalənin müəlliflərindən biri, "Orta bir sürücünün hər gün avtomobildə təxminən bir saat vaxt keçirdiyini nəzərə alsaq, bu, ciddi ictimai sağlamlıq problemidir" dedi.

Alimlər avtomobil oturacaqlarının doldurucusunu kanserogen birləşmələrin mənbəyi kimi müəyyən etdilər və toksik təsirləri azaltmaq üçün kölgədə park etməyi və avtomobil şüşələrini açmağı tövsiyə etdilər.

Əvvəllər moskvalı sürücülərə qar yağdığı üçün avtomobillərdən istifadə etməmək tövsiyə olunurdu.