Fransa Ukraynada silah istehsalına başlayacaq

İlk istehsal müəssisələrinin 2024-cü ilin yayında işə salınması planlaşdırılır.

Fransa Rusiyaya qarşı müharibədə kömək etmək üçün birbaşa Ukrayna torpaqlarında çox ehtiyac duyulan hərbi texnika istehsal etmək üçün bəzi müdafiə şirkətlərini cəlb etməyi planlaşdırır. Bunu müdafiə naziri Sebastyen Lekornu deyib.

"Üç fransız şirkəti Ukrayna torpaqlarında ehtiyat hissələri və gələcəkdə sursat istehsal etmək üçün Ukrayna şirkətləri ilə, xüsusilə pilotsuz təyyarələr və yerüstü avadanlıqlar sektorunda tərəfdaşlıq quracaq", - deyə fransız nazir bildirib.

Onun sözlərinə görə, ideya ilk istehsal bloklarını bu yay işə salmaqdır.

O, iştirak edən şirkətlər arasında Fransanın Nexter və Almaniyanın Krauss-Maffei-Wegmann tərəfindən yaradılmış holdinq strukturu olan tank istehsalçısı KNDS olacağına işarə edib.

2024-cü ilin başlanğıcı ilə Fransanın siyasi rəhbərliyi Ukraynanı dəstəkləmək üçün getdikcə daha çox bəyanatlar və addımlar atmaqdadır. Belə ki, Fransa iki illik müharibədə 10 min ukraynalı əsgərə təlim keçib və bu il Ukrayna Silahlı Qüvvələrinin əsgərləri üçün təlim proqramı genişləndiriləcək.

Həmçinin Fransa prezidenti Emmanuel Makronun Qərb ölkələrindən Ukraynaya hərbi personal göndərilməsinin mümkünlüyü ilə bağlı bəyanatı dünyada geniş müzakirələrə səbəb olub. Makron parlament partiyaları ilə görüşündə bildirib ki, rus işğalçıları Kiyev və ya Odessaya keçərsə, Ukraynaya qoşun göndərmək mümkündür.