Asəf Quliyev:

 Əhməddən daha təhlükəli

90-cı ilərin sonu 7 GÜN qəzetində işlədiyim vaxtlarda Bakı məktəblərinin birində xoşagəlməz olay olmuşdu. 8-ci sinif oğlanları sinif yoldaşlarını soyundurub onun əzalarını qızlara nümayiş etdirmişdi.

Hadisə ilə bağlı geniş yazı verdik. Uşaqların adlarına qədər hər şeyi.

Səhərisi gün valideynlərin biri redaksiyaya gəldi. Daha doğrusu sonradan nazirə şeir yazan bir şairi yanına salıb qapını döydü. Qəbul etdim. Sakitcə dinlədim. Tələb edirdi ki, təkzib verəık Belə hadisə olmayıb. Uşaqların adına ləkə olur.

Şair də valideynin dediyini təkrar edirdi.

Sona qədər dinlədim və onların ikisini də küçə söyüşləri ilə otaqdan qovdum. İkisinin də gözü çıxdı kəlləsinə. Şair məndən baş redaktorumuz Emin Eminbəyliyə şikayət edəcəyini dedi. Valideynə də dedi ki, narahat olma bu kimdi ki, Emin müəllimə deyəcəm təkzib verəcək.

İşin sonunda dedilər Emin Eminbəyili səni axtarır.

İlk sözü bu oldu: “Nədi yenə Ağdamlılığına salmısan”.

Cavabım qısa oldu: “Başqa variant yox idi”.

Daha sonra Emin müəllim faktların dəqiqliyini soruşdu. “Başımla cavabdehəm” dedim.

Təkzib filan olmadı.

Bu olayı niyə yada salıram?

Nazirə şeir yazan şairlin yanına salıb redaksiyaya gətirdiyi valideyni də övladını sudan quru çıxarmaq istəyirdi.

Məsələ bundadır ki, Əhməd olayından çox keçməyib. Onun ilk cinayətini valideynləri ört-basdır etməmişdimi?

Bu qızlar Əhməddən daha təhlükəlidir.

Əminəm ki, öz həmyaşıdına qarşı vəhşilik edən bu qızların da valideynləri bu saat eyni qayğını yaşayır. Uşağını sudan quru çıxarmaq istəyir.

Çünki o valideyn cinayətkarı cəzasız qalan cəmiyyətdə yaşayır...