Qulu Məhərrəmli:
Seyran Səxavət xalq dilinə yaxın bir tərzdə yazır və elə o cür də şirin danışır
Bu günlər məmləkətdə az qala hamı görkəmli yazıçı-publisist Seyran Səxavətin 80 illik yubileyindən danışır və yazır. Düz də edir, çünki bu sənətkar Azərbaycan ədəbiyyatında özünəməxsus yaradıcılıq üslubu, Mirzə Cəlilə bənzər sadə və canlı dili, həyata, hadisələrə realist baxışı ilə seçilən bir istedadlı nasir və publisistdir. Gözəl olan odur ki, S.Səxavətin əsərlərində həyat romantik deyil, olduğu kimidir, bər-bəzəksizdir və yazıçı bu reallığı müasir insanın gündəlik düşüncəsindən, fərdi psixologiyalardan və mürəkkəb sosial münasibətlərdən süzüb keçirərək oxucuya təbii, səmimi bir şəkildə çatdırır.
Bəli, Seyran Səxavət xalq dilinə, xalq ruhuna yaxın bir tərzdə, cazibədar üslubda yazır və elə o cür də şirin danışır. Onun dili sadə, təbii, axıcı və danışıq üslubuna yaxın olduğu üçün oxucuya tez təsir edir. Çünki bu yaradıcılığın əsasında xalq təfəkkürü, duzlu yumor və istehza, oynaq dialoqlar, həyatın fərqli detalları, milli kolorit və psixoloji dərinlik dayanır. Obrazların daxili aləmi, düşüncə və tərəddüdləri, ağrı-acılarının ustalıqla təsviri S.Səxavətin əsərlərinə xüsusi bədii vüsət verir.
Dəyərli yazıçının publisistik düşüncəsi, mətbu yazıları, Ana dili və digər milli problemlər barədə açıq ictimai çıxışları da tədqiqata ehtiyacı olan ayrıca bir mövzudur. Onun bu çıxışlarında ictimai problemlərə münasibət, vətəndaş mövqeyi və zamanın ruhunu hiss etdirmək sözün həqiqi mənasında gözəl nümunədir.
Mən böyük yazıçımızı və gözəl dostumuzu yubileyi münasibətilə ürəkdən təbrik edir, möhkəm cansağlığı və daha böyük şövqlə yazıb-yaratmasını arzu edirəm.
* * *
Qulu müəllim, Seyran Səxavəti çox dəqiq və dolğun xarakterizə etmisiniz. Mən Azərbaycan türkcəsini evdə anamdan, atamdan, məktəbdə dil-ədəbiyyat müəllimim Məhəmməd Hüseynovdan, bir də məktəblə paralel olaraq yazıçılardan, şairlərdəm, publisistlərdən öyrənmişəm. Hamısının adını yazsam, uzun bir siyahı alınar. Həm də kimisə unuda bilərəm. Seyran Səxavət o siyahının ön sıralarında yer tutur. Eləcə də, Siz. Mən çox sevinirəm ki, bu gözəl türkcənin meyvəsiyəm; bu dildə yazdıqca, necə şirin, gözəl, axıcı, melodik, həm də dərin dilimizin olduğuna hər dəfə daha çox əmin oluram. Seyran Səxavət ana dilimizin şərəfinə UCALMIŞ ayaqüstə gəzən, yazan və danışan canlı abidədir. Allah Seyran müəllimə daha uzun ömür nəsib etsin! Ona çox ehtiyacımız var.
Müasir ədəbiyyatımızın Seyran Paşasını(nüfuzunu itirmiş müəllimlik sənətindən uzaq tutub müəllim demək istəmirəm) ulu Gəncədən hərarətlə salamlayır,yubileyini böyük məhəbbətlə təbrik edirəm.İnsan qəlbinin əsl mühəndisi Seyran Səxavəti yaradıcılığını tələbəlik illərindən--keçən əsrin 70-ci illərindən izləyirəm.O zaman onun əsərlərini daha çox "Azərbaycan" jurnalından oxuyurdum.Oxuduqca Gənclik illərimi,həyatımı,mənəvi aləmimi oradakı obrazlarla proqramlaşdırma çalışırdım...Eşq olsun bu ömrün sahibinə.
Yaradıcılığının yarım əsirlik dövründə mühüm ictimai-siyasi hadisələrlə ayaqlaşmaq, yaratdığı obrazların mürəkkəb psixologiyasını,dərin ruhi sarsıntılarını ifadə etmək yazıçının yaradıcılığının əsas səciyyəvi xüsusiyyətlərindəndir.Bir daha tanınmış yazıçımızı 80 illik yubileyi münasibətilə ürəkdən təbrik edir,uzun ömür, can sağlığı arzu edirəm.
QEYD. Başlıqlar "Facebook" sosial şəbəkəsindəki başlıqla eynilik təşkil edir.
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.