Tatami ustalarının dünya çempionatı başlayır 

Bu gün Macarıstanın paytaxtı Budapeştdə böyüklər arasında cüdo üzrə dünya çempionatına start veriləcək. İyunun 20-dək davam edəcək bu mundialda Azərbaycan 9-u kişi və 4-u qadın olmaqla 13 tatami ustası ilə 10 çəki dərəcəsində medallar uğrunda yarışacaq. ACF-dən verilən məlumata görə, kişilərin yarışında ölkəmizi Olimpiya çempionları Hidayət Heydərov (73 kq) və Zelim Kotsayevlə (100 kq) yanaşı, Əhməd Yusifov (60 kq), Ruslan Paşayev (66 kq), Rəşid Məmmədəliyev (73 kq), Zelim Tckayev (81 kq), Vüqar Tapdıqov, Elcan Hacıyev ( hər ikisi 90 kq) və Uşanqi Kokuari (+100 kq) təmsil edəcək. Yeri gəlmişkən, onu da qeyd edək ki, Hidayət Heydərov Paris Olimpiadasindan sonra ilk dəfə olaraq tatamiyə çıxaraq.

Qadınların yarışında isə Leyla və Könül Əliyevalar (hər ikisi 48 kq), Gültac Məmmədəliyeva (52 kq) və Fidan Əlizadə (57 kq) tatamiyə çıxacaq. 

Mundialın ilk yeddi günü saxsı, son günündə isə qarışıq komanda yarışı keçiriləcək.

Bu gün qadınlar arasında 48 kq, kişilərdə isə 60 kq çəki dərəcəsində olan cüdoçular mübarizəyə qatılacaq. 

Təsnifat görüşlər Bakı vaxtı ilə saat 13:30-da, final qarşılaşmaları isə 20:00-da başlanacaq və canlı olaraq İdman TV-də yayımlanacaq.

İNTİQAM Məmmədov