Qulu Məhərrəmli: 

Mehriban Ələkbərzadənin yaradıcılıq bioqrafiyası ona qarşı qərəzli davrananlara ən yaxşı cavabdır

Belə görünür ki, Azdramanın bədii rəhbəri, istedadlı rejissor Mehriban Ələkbərzadəyə qarşı kimlərsə böhtan kampaniyası aparır və təəssüf ki, bu çirkin işdə "şəhid mövzusu"ndan da istifadə edilir.

Mehriban xanımı uzun illərdir tanıyıram, müəyyən müddət AzTV-də də birgə çalışmışıq. Mən bu dəyərli sənət adamının ictimai düşüncəsinə, Vətən sevgisinə, vətəndaş mövqeyinə, tarixə, milli problemlərə, xalqımızın azadlıq uğrunda mübarizəsinə, bu yolda şəhid olanlara münasibətinə, eləcə də hər hansı məsələdə onun dürüstlüyünə, prinsipiallığına, peşə ləyaqətini necə fədakarlıqla qorumasına yaxşı bələdəm. Təkcə mən yox, ölkə ictimaiyyəti də bunları gözəl bilir.

Əslində M.Ələkbərzadənin ictimai həyatı və yaradıcılıq bioqrafiyası, kütləvi çıxışları, yaratdığı çoxsaylı ekran və səhnə əsərləri ona qarşı qərəzli davrananlara ən yaxşı cavabdır.

Mən özüm də dəfələrlə sifarişli böhtan kampaniyaları ilə üzləşmiş bir adam kimi bu qənaətdəyəm ki, quru palçıq heç vaxt divara yapışmaz. Bu səbəbdən də Mehriban xanıma qarşı aparılan hər hansı böhtan kampaniyası, o cümlədən şəhid teması ilə manipulyasiya keçərli deyil.

Sizə uğurlar, dəyərli Mehriban xanım!

* * *

Физули Джавадзаде

Bu cür kompaniyalar adətən sifarişli olur.Mehriban xanım bizim dəyərlimizdir.Ar olsun bu işlərə rəvac verənlərə!

Asaf Quliyev

Mehriban xanıma qarşı "şəhid mövzusu"ndan istifadə etmək mömin bir şəxsin cibinəı narkotik atıb hənbs etmək kimi səslənir. Təbii ki, yapışmaz...

Rahim Telman Sadigbayli

(“Aaz, 20 Yanvar var? Qurtardı 20 Yanvar söhbəti! 20 Yanvar şəhidləri dəbdə deyil!” — Müəllif: Mehriban Ələkbərzadə.) Bu sözlərin deyildiyini inkar etsəm, nəinki atamın ruhu, həm də 1990-cı ilin 20 Yanvarında Bakıda, 25 Yanvarında Neftçalada, 26 Yanvarında Lənkəranda şəhid olmuş 150-dən çox insanın ruhu, 20 Yanvar yaralıları və şəhid ailələri məni bağışlamaz. " MƏSMƏ ASLAN.

Dəyərli Qulu müəllim, sizin istedadlı rejisor, hörmətli Mehriban Ələkbərzadə haqqında yazdıqlarınız xoş sözlərlə razılaşsam da Əməkdar artist sənətinin ustası Məsmə xanımın yazdığı bu sətirlər məni dərindən sarsıtdı və buna biganə qala bilmədim. Çoxları və siz də bilirsiniz ki, mən indi xaricdə yaşasam da hər zaman ürəyim Azərbaycanla döyünür və yenə də sizin də bildiyiniz kimi "20 yanvar" hadisəsinin şahidlərindən biri, "Azadlığa gedən yollar" sənədli filminin iştirakçılarındanam və Məsmə xanımın bu statusuna mən də biganə qala bilmədim. Tələbə yoldaşım istedadlı aktrisa Mehriban xanım Xanlarovaya, hələ lap gənc yaşlafından sənətdə öz sözünü deyən qeyri adi istedada malik Münəvvər xanım Əliyevaya qarşı edilən haqsızlıqlar haqqında mətbuatda oxusam da "teatrda intiriga" və ya "rejissor-aktrisa münasibətləri" deyərək üstündən keçdim. Amma bu hadisə nəinki Mehriban Ələkbərzadəni o cümlədən hamımızı aşıb keçər. Siz yazırsınız ki, "şəhid adından sui-istifadə olunur". Axı burda sui-istifadəlik nə var ki, əziz professor? Yenə də yazıram, mən nə Azdramada işləyirəm, nə də Azərbaycanda hansısa vəzifədəyəm. Heç bir təmənnam və gözlədiyim də yoxdur. Hörmətli aktrisa Məsmə Aslanla heç şəxsi tanışlığımız belə yoxdur. Bu aktrisa heç mənim filmlərimdə də serialımda da rol almayıb. Amma onun statusunu oxuyanda qəhər məni boğdu. Azərbaycanda elə bir ailə yoxdur ki, onun qapısından şəhid tabutu çıxmasın. Mən şəhid olmasam da 20 yanvarda silahdaşlarımla birlikdə hadisələri göz yaşları içində lentə almışıq, bibim oğlu 23 yaşında Lənkəranda dağlarda şəhid oldu. Mənim kimi hər bir vətəndaş siz belə Qulu müəllim ailənizdə şəhid vermisiniz. Mən əvvəla Mehriban Ələkbərzadə kimi ziyalıya bu "səviyyəsiz və düşüncəsiz" fikirləri yaraşdırmadım. İkincisi heç kəsə nə Mehriban xanıma, nə mənə nə də sizə istedadlı və peşəkar olmasından asılı olmayaraq əvvəla şəhid ailəsinə ikincisi də rəhbəri olduğu bir kollektivdə birlikdə işlədiyi aktyor və aktrisalarla belə rəftar etməyə və "əlinə qılınc alıb kimsəni kəsməyə" ixtiyar verilməyib. Var olun dəyərli Qulu müəllim

Гюльназ Канбарли

Qulu müəllim, mən bir neçə yerdən araşdırdım. İkisində də günah var. Mehriban Ələkbərzadə istedadlı olmaqla bərabər təkəbbürlü, özündənrazı, özündənxoflu, qarşısəndakına yuxarıdan aşağı baxan biridir.. Telefona hücum çəkincə, mühafizəçini çağırardı. Hər bir halda belə bir hadisənin gündəm olması yaxşı hal deuil.

Nihad Seyidov

Qulu Məhərrəmli, burada boş boş diletantlıq etməkdənsə, öz işinlə məşğul olsan daha yaxşı olar.

Qarşı tərəfin nə deyib demədiyini öyrənmədən, birtərəfli mühakimə yürütmək cahillərin işidir.

Guya Mehriban elə söz deyə bilməz kimi bir fon yaratma. Sən kimsən? Allahsan, peyğəmbərsən, ya kimsən?

Bu məsələyə həssas olan aktrisanın fikirləri yalandır, amma sənin boş boş sözlərin doğru?

Bəlkə elə Məsmə Aslanqızı düz deyir.

Бахадур Алиев

Əsl ziyalı mövqeyidir, professor. Kimliyindən asılı olmayaraq, haqlı olanı müdafiə etmək ictimai vicdan, ədalət və hüquq məsələsidir. Buna da ictimai düşüncəsi olan ziyalılar münasibət bildirməlidir.

Ayten Alieva

Qulu Meherremli, sizə hörmətim var, mənim üçün dəyərli vətən oğlusunuz, araşdırıb ancaq ədaləti yazdığınızdan əminəm. Mehriban xanımın da ölkə adına etdijlərini görürəm. Bilmirsən, hansına baxasan. Ancaq şikayət edənlər çoxdur, həm də faktlar verəcəklər. Şəhid məsələsinə mən də qarşıyam. Həssas yerimizdir, hər problemdə səslənməsə kaş.

Etibar Həsənquliyev

Tükənməz enerjiyə sahib Mehriban xanım Ələkbərzadəyə peşə fəaliyyətində uğurlar arzulayırıq,onun ünvanına hər hansı xoşağəlməz ifadə işlədənlər özlərini tanımayanlar ola bilər!!!

Mehriban xanım azsaylı peşə sahiblərimizdəndir ki,o öz sənətinin peşəkarıdır!!!

Çətin və məsuliyyətli zəmanəmizdə sizə uğurlar arzulayırıq yorulmaz və qətiyyətli Mehriban xanım!!!

Шахбаз Ресул

Bu Azdrama tarix boyu dramatikləşdirib hadisələri.Ədil İsgəndərov,Mehdi Məmmədov,Tofiq Kazımovdan bu yana,konfliktlərin mərkəzində olublar.Yaxşı,biri pis oldu,ikisi pis oldu...Nə möcüzədirsə,təyin olunan rejissorlar pis olur??? Yığışdırın bu komediyanı dostlar...Mehriban xanım savadına,istedadına və məsuliyyətinə görə hər zaman sevilib...

QEYD. Başlıqlar "Facebook" sosial şəbəkəsindəki başlıqla eynilik təşkil edir.