Hökumənin atası Prezidentə minnətdarlığını bildirib

Prezident İlham Əliyevə minnətdarlığımı bildirirəm, Uca Tanrı dövlətimizi, xalqımızı qorusun.

Bu barədə stüardessanın atası Hökümə Əliyeva qızına Azərbaycanın Milli Qəhrəmanı adının verilməsinə münasibət bildirərkən deyib.

Qeyd edək ki, dövlət başçısı dekabrın 29-da “Azərbaycan Hava Yolları” QSC-nin Bakı-Qroznı reysini yerinə yetirən “Embraer 190” sərnişin təyyarəsinin qəzaya uğraması zamanı yüksək peşəkarlıq və şücaət göstərmiş şəxslərin mükafatlandırılması haqqında sərəncam imzalayıb. Sənədə əsasən, Hökümə Əliyevaya ölümündən sonra “Azərbaycanın Milli Qəhrəmanı” adı verilib.

Xatırladaq ki, dekabrın 25-də səhər saatlarında AZAL aviaşirkətinin “Embraer 190” sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsində 67 nəfər, o cümlədən 5 ekipaj üzvü (37-si Azərbaycan, 16-sı Rusiya, 6-sı Qazaxıstan və 3-ü Qırğızıstan vətəndaşı) olub. Son məlumatlara görə, təbii fəlakət nəticəsində 38 nəfər ölüb, ölənlər arasında hər iki pilot da daxil olmaqla 3 ekipaj üzvü var. Dekabrın 26-da 14 yaralı və 4 nəfərin meyiti Azərbaycana gətirilib.

Qəzadan sonra prezident İlham Əliyevin tapşırığı ilə baş nazir Əli Əsədovun rəhbərliyi ilə hadisənin səbəblərini araşdırmaq üçün dövlət komissiyası yaradılıb. Dövlət başçısı dekabrın 26-nın Azərbaycanda matəm günü elan edilməsi haqqında da sərəncam imzalayıb.