Akif Aşırlı: 

Rəşid Behbudovun oxuduğu " Lalələr " mahnısı barədə SƏHVLƏR

Bəzən şifahi xalq yaradıçılığını reallıq, real tarix kimi təqdim etməyə çalışırlar. Belə səhvlərdən biri ustad sənətkarımız Rəşid Behbudovun oxuduğu " Lalələr " mahnısı ilə bağlı uydurulan məlumatlardır. Guya mahnı 1918 - ci ilin iyunun 9-da Gəncəyə gələn, Azərbaycan Cümhuriyyətinin elan olunan sərhədlərində İstiqlal savaşı aparan Qafqaz İslam Ordusunun əsgərlərinə ithaf olub.Əsas da gətirilir ki, Türkiyə əsgərlərinin başlarına qoyduqları fəs Gəncə çöllərində laləni xatırladığından sətiraltı məna ilə ifadə olunub. Tamamilə yanlışdır. Birinci, mahnının sözləri akademik , əqidəcə qatı kommunist olan, mənim də yerlim akademik Aslan Aslanova məxsusdur. Aslan müəllim fəlsəfə ilə məşğul olub, insafən yaxşı şeirlər də yazıb.Mahnının sözləri ona məxsusdur. Ancaq mahnı ifa olunan zaman sözlərin müəllifi unudulur , xatırlanmır. Əslində, rallıq odur ki, Azərbaycana gələn Türk əsgərləri hərbi libasda olub, başlarında da fəs deyil , 1916-cı ildə Türkiyədə qəbul olan baş geyim papağı Ənvəriyyə olub. Bu geyimlər Azərbaycan Milli Tarix muzeyində olmalıdır.

İkinçisi, Aslan müəllim qatl kommunist olduğundan "Türk" sözünü , Türk Ordusunu heç vaxt öyə bilməzdi.

Bu yanlışlıqlar Türkiyədə və Azərbaycanda bəzən rəsmi şəxslərin dilindən səslənir, hətta kitablarda əksini tapır.

Bu mahnının niyə Qafqaz İslam Ordusuna aid edildiyi haqda şəxsi qənaətim odur ki, ordu sıralarında Azərbaycan İstiqlal savaşına qatılan bir necə şair olub, onlardan biri də Arif Üryan idi. Arif Üryanın 1918-ci ilin noyabrında " Azərbaycan " qəzetində silsilə şeirləri dərc olunub. Bu şeirlərin birini adı " Lalə "dir. Görünür ad oxşarlığı baxımından bu şeiri rəhmtlik Aslan Aslanovun şeiri ilə eyniləşdirmək istəyiblər , amma şeirlərin mətnləri tamamilə fərqlidir.