Səfər Alışarlı:

Cahillər çörəklərini saxta şivən effektlərindən qazanırlar

Azərbaycanda cahil adam çoxdur. Təsəvvür etdiyimizdən də çoxdur. Amma ədəbiyyat çevrəsi və ətrafında onların hər kv.metrə düşən orta sıxlığı daha yüksəkdir. Cümlə yaza bilməyən bu şıkıdım zümrə üçün yalnız iki yazıçılıq meyarı var: uğur və ictimai gərəklik prizmasında "Xalq yazıçısı", bir az o yanda kalite və kaliber əmsalı saydıqları Nobel mükafatı! Məlum olduğu kimi, bunların hər ikisi ədəbiyyatın quyruğuna bağlanan parıltılı və şıqqıltılı oyuncaqlardır.

Bu adamlar isə ədəbiyytatı yox, həmin oyuncaqların verdiyi imtiyazları axtaran cahillərdir. Səbəbi mədəniyyətdən bixəbərlik, savadsızlıq, ədəbi korafəhmlik və mənəvi deqradasiyadır. Adamı onun kimi düşünmədiyimə görə təhdid edəndə də onlara qətiyyən aidiyyəti olmayan, yalnız sədasını eşitdikləri o meyarları özlərinin çürük ruhlarındakı xılta qarışdırıb çirkab kimi adamın üstünə atmağa çalışırlar.

Son vaxtlar feysbukda heç nədən beş-üç o cür cahilin hücumuna məruz qalmışam. Biri qadın, qeyriləri qeyri-... Bunlar çörəyi o cür cığallıq aksiyalarından, saxta şivən effektlərindən qazanırlar. Onlara öz leksikonlarında cavab vermək istəmirəm. Yetər ki, mən onları bir qələmdan olaraq yaxşı tanıyıram, onların dabbaqda gönünə bələdəm.

Vaxtında Elçibəyə "salam" verməyə qorxan bu dəllallar indi bəzi maddi qaynaqlardan qopmamaq üçün "Elçibəy" deyib elə bağırırlar ki, məni gülmək tutur.

Əəə, gedin işinizlə məşğul olun!