Elman Eldaroğlu: 

"Balıq bilməsə də, Xaliq biləcək..."

Tahir Əmiraslanov- 66

Haraya gedibsə, harada olubsa geri dönəndə özüylə apardığı Azərbaycan sevgisini orada qoyub qayıdıb, ölkəsini olduğu yerdə sevdirə, ləyaqətlə təmsil edə bilib. Gələndə isə Azərbaycana gətirdiyi qızıl medalla yanaşı, həm də başucalığı olub. O, olan yerdə həmişə Azərbaycanın adı zirvələrə ucalıb, sırada birinci sadalanıb…

Çox gözəl insandır. İllərlə "sehirli qutu"dan izləyən milyonlarla tamaşaçı kimi, mən də onun nitq mədəniyyətinin, düşüncə tərzinin, müdrikliyinin vurğunuyam. Heç bir çıxışı bir-birinə bənzəmir. Hər birinin öz gözəlliyi, öz məntiqi, öz məzmunu var. Lap elə milli kulinariyamızdakı təamların dadı kimi…

Tariyel Azerturk:

100 YAŞASIN! 

Həmişə sağlam və fəal yaşasın!

Bəli, Tahir bəyin şəxsində ilk dəfə - bəlkə də inciyər bu deyimdən, ancaq onun özünün seçdiyi peşədir - AŞPAZIN bu qədər savadlı, ağıllı, genişdünyagörüşlü olması, və hadisələrə bu səviyyədə elm yanaşmasını görəndə, kitablar nəşr etməsini biləndə, təkcə mən yox, yəqin ki, hamı təəccüb edir.

Və onu gözə gətirən də hərtərəfli biliyi, savadı və fəallığıdır.

Azərbaycanda fəal insanı sevmirlər. "Əşi, bəsdi də, yordun bizi dəəy!" qəzəbi bu millətin içində püskürən paxıllıq əmsalıdır. O da qala sən millətinin nəyinisə dünya səviyyəsində birincilər sırasına çıxarmaq istəyirsən.

Onda lap gözdən düşürsən.

Elə Əmiraslanova olan yad münasibət də onun bu fəaliyyətindən gəlir.

Elə özümdən görürəm: Budur, 30 ildir tutmuşam ki, "Şumer" yalandır, onun yerində TÜRK olub, indi də başlamışam ki, hələ bu harasıdır, Etrusk da Türk olub.

Rəhmətlik, Müdrik B. Vahabzadə yazdığı məktublarından birində dediyi kimi, "Sən, qardaş, Allaha şükür elə ki, sən hələ bu ölkədə deyilsən. Yoxsa...".

Əlləri mənə çatmadıqlarından varlığımı söyüş qabına çeviriblər. Və əminəm ki, məni söyüb, mənə qarğış yağdıranlar saysız-hesabsızdır. Xüsusi ilə də, üzümü, yedəyi ədalətlə Təhsil nazirliyinin quyruğuna bağladılmış Akademiyanın "T. Azərtürkün kitablarını yandırmaq lazımdır !" fikrini irəli sürmüş bəzi "akademiklərinə", "professorlarına" tutub deyirəm:

"Lap partlasaz da, çatlasaz da, ölsəz də və nəşinizi çöllərə atsalar da... tədqiqatlarımı davam etdirəjəm. sizlərin öldüyü günə kimi. Qoy heç sizin kimilərin millətinin birinciliyini tanımasın dünya. Mən tanıdığım qədər tərcümə edəcəm gil yazıları.

Bütün söyüş və qarğışlarınız da elə öz ağzınızdan çıxan kimi qoy elə öz qoltuğunuza da girsin! (Nüvədi fasonu dedim).

***

Dr. Amiraslanov cənabları da bu vəziyyətdə.

Gözə soxulmasaydı, "bu xörək ilkində bizimdir, onu bizdən iqtibas ediblər" deməsəydi, hamısını həyasız haya versəydi, kim idi onu ona yaraşan u vəzifədən uzaqlaşdıran?..

Hər yerdə durub-oturub deyir ki,

Dolma, Xaş, Kəllə-paça, Çız-bız, Çığırtma, Soyutma, Buğlama, Bozartma, Qızartma, Əriştə, Əvəlikli aş, Şorba, Şilə, Şiləplov, Qurut aşı, Düşbərə, Soğannı, ətli, qurutlu Xingəl Azərbaycan mətbəxinin Nativ (DNT-si özünnən olan) təamlarıdır.

100 YAŞASIN ! 1000 BELƏ DESİN !

Həmişə sağlam və fəal yaşasın

 

Yasemen Memmedli:

Azərbaycan kulinariyasının ilk cığır açanı Tahir Amiraslanov - bu yolda verdiyi mücadiləsi danılmaz, haqqı ödənilməz, lakin ödənilməsi mümkün olan haqqının da

ödənilmədiyinin fərqində olduğumuz güclü insan, təbrik edirəm. Qazandığınız uğurların davamını arzulayıram.

QEYD. Sarı fonda verilən başlıqlar "Facebook" sosial şəbəkəsindəki başlıqla eynilik təşkil edir.

Tahir Əmiraslanov- Azərbaycan kulinariyasını dünyada tanıdan görkəmli şəxsiyyət, böyük insan. Adı gələndə adam heyrətini saxlaya bilmir, el diliylə desək:- belə insanların qadasını alım. Bu cür vətən oğlunu necə sevməyəsən? Bütün varlığı sevgidən yoğrulub, eşqə bələnib. Bax, elə bu sevginin gücüdür ki, Azərbaycan mətbəxini bütün dünyaya sevdirə bilir…

O, 1958-ci il martın 14-də Tovuz rayonunun Qovlar qəsəbəsində dünyaya gəlib. 1975-ci ildə Gəncədə 39 saylı orta məktəbi bitirib. 1975-1976-cı illərdə Gəncə Toxuculuq fabrikində fəhlə işləyib. 1978-ci ildə ordudan təxris olunduqdan sonra 1979-cu ilədək Leninqradda tikintidə bənnalıq edib. 1979 ildə Leninqrad Sovet Ticarəti İnstitutununa qəbul olunub. 1984-cü ildə ali təhsilini uğurla başa vuraraq, peşəkar iaşəçi-kulinar, mühəndis-texnoloq ixtisasına yiyələnib.

Tarix üzrə fəlsəfə doktorudur. Gürcüstan Universitetinin professorudur. Gürcüstan Millı Elmlər Akademiyasının və Beynəlxalq Elmlər Akademiyasının həqiqi üzvüdür…

Milli mətbəximizin inkişafında, süfrə mədəniyyətinin qorunmasında, unudulan xörəklərin bərpasında, təbliğatında, elmi təşəkkülündə və praktikada tətbiqində müstəsna xidmətləri olub…

Bu gün Azərbaycan kulinariyasında Tahir Əmiraslanov zirvəsi var. Möhtəşəm, əlçatmaz bir zirvə. O zirvəni qorumaq lazımdır. Amma ötən illərdə ona lazımsız təzyiqlər göstərildi və uzun illər beynəlxalq yarışlarda milli mətbəximizi yüksək səviyyədə təqdim etməyi bacaran bu adama, dəstək vermək əvəzinə, sıradan çıxarmağa nail oldular. 64 yaşı olmasına baxmayaraq, yəni təqaüd yaşına bir il qalmış, onu tutduğu vəzifədən çıxardılar. Bir ağıllı adam tapılıb demədi ki, ölkədə 65 yaşından yuxarı o qədər işləyənlər var ki... Məsələn, elə AMEA-da çalışan akademikləri götürək. Məgər Tahir Əmiraslanov o akedemiklərdən ölkəyə azmı mənfəət gətirib, ölkəni azmı tanıtdırıb? Əsla yox! Əksinə, Azərbaycan mətbəxini dünyada təbliğ edir, mübahisəli xörəklərimizə sahib çıxır, Azərbaycana aid olduğunu dünyaya sübut edir. İş o yerə çatıb ki, o, vəzifədən uzaqlaşdırılandan sonra Azərbaycan Milli Klinariya Mərkəzi irəli yox, xeyli geriyə gedib. Məsələn, 2022-ci ilin sonunda erməni nümayəndə heyəti, son 30 ildə ilk dəfə olaraq, Lüksenburqda keçirilən yarışlarda qızıl medala yox, medallara layiq görülüblər...

Martın 14-ü Tahir Əmiraslanovun doğum günüdür, 66 yaşı tamam olur. Onu bu münasibətlə təbrik edir, möhkəm can sağlığı, firəvan həyat arzulayıram...

Hörmətli Tahir müəllim, bir məşhur məsəli sizin yadınıza salıb təbrikimi yekunlaşdırıram;- "Balıq bilməsə də, Xaliq biləcək..."

Hörmətlə, Elman Eldaroğlu