Vahid Qazi: 

Əliləri kütlə havasına xürafat izdihamına qoşulan görürəm

Bakıda toy zamanı camaat namazı qılınıb. Əlbəttə, bu, toy sahibinin şəxsi işidir. Amma o şəxsi iş videoya çəkilib ictimailəşibsə, demək, hər kəsin fikir bildirmək haqqı var. Mənim də həmçinin. Yeni sözə lüzum görmürəm, fikrimi hələ 9 il əvvəl, 2015-ci ildə yazdığım "Əmmaməli gələcək" yazısı ilə deyim. İndi görüb duyduğum isə odur ki, bu 9 ildə rənglər daha da tündləşib.

Qurban Yaquboglu:

Toyda namaz qılınmasının pis və ya yaxşı olduğuna münasibət bildirmirəm. Amma bu yanaşma obyektiv ziyalı yanaşması sayıla bilməz, Vahid bəy. Siz ki Avropadasız, hələ Avropdasız belə yazırsız. Təəccüblüdü.

 

Səməd Mahmudoğlu:

Maddi təminatları babat olmuş xeyli dindarlar var .Bir qalır dindar olmaqlarını gözə soxmaq ,onu da hər fürsətdən istifadə etməklə məmnun olurlar.

Heç vaxt bu " gözəsoxma" metodu hələ kimsənin mənəvi Ruhuna dinə inam vasitəsi olmayıb.Nə qədər ki,kimsə öz içində bu yola qərar verməyib.

 

Bəsti İsmayıl:

Din reklam olunmur , gerizəkalılar ! Bu vicdan məsələsidir ..vicdan ürəkdə olur ..namazla olmur ..cahillər ! Bu adamlar əllərini göyə qaldırıb demokratiya ...ədalət deyib qışqırsaydılar polis peyda olub bəyqarışıq hamını tutmuşdu ..Hara baxır polis ?

 

Pakize Babazade:

Madam ki, ərəb zehniyyətindədirlər, elə ərəbski geyinsinlər dəə. Kafirin maşının min, kafirin geyimin gey, kafirin yaratdığı texnikadan yararlan, beynin ərəb beyni olsun. Lap qəmədiyədir...

 

Dilgam Ahmad:

Vahid bəy, məncə, insan haqları məsələsinə daxildir. Toyda namaz qılanlar mənim işlərimə qarışmırlar, mən də gərək onlara qarışmayım.

Салех Мамедов:

Ustad çox təşəkkür edirəm, çox əla qəlb çağrışıdı, milli həyəcan, yanğı çağrışıdı. Tək Azərbaycan deyil, bütün 57 ölkəni ağır, bədbəxt günə qoyan islam işğal dinidir. Azərbaycana İslam qədər zərbə vuran ikinci bir qüvvə olmayıb.Bu dini açıq aşkar təbliğ edənlər isə Azərbaycan xalqının dostu ola bilməz. Hər bir ziyalı səsini çıxarmalıdır.

 

Vahid Çəmənli:

2 gün öncə dahi şəxsiyyət, Akademik Rafiq Əliyevlə görüşdə idim.

Akademik Rafiq Əliyev dedi ki, mən hər bir şeyin mövcudluğunu 99.9 faiz qəbul edirəm, amma Allahın varlığını 100 faiz!

Mən uzun müddətdir Allaha ibadət etsəm də, onun varlığını neçə faiz qəbul etdiyimi bilmirəm. Allah nə Məkkədədir, nə təkkədə!

Allah qəlblərdədir.

Amma əgər qəlbimizdə olan Allah deyirsə namazı vaxtında qılın, onda bizim irad bildirməyə haqqımız yoxdur. Bu hər kəsin vicdan işidir.

Yox, əgər kimsə burada özünü mömin, Allah adamı kimi göstərmək xatirinə namaz qılırsa, onda heç zad!

Allahı içində tapmaq o qədər asan iş deyil.

Amma, əgər Akademikimiz, Rafiq Əliyev belə deyirsə, mən ona 100 faiz inanıram!

QEYD. Sarı fonda verilən başlıqlar "Facebook" sosial şəbəkəsindəki başlıqla eynilik təşkil edir.

"Evindəki televizoru “haramdı” deyib çölə atan bir qohumum övladının toyuna çağıranda getmədim. Musiqi, çalıb-oynamaq necə haram ola bilər? Sualıma ağlabatan cavab verə bilməmişdi.

Qonum-qonşuda, qohum-əqrəbada neçə qız-gəlini çarşabda görüb indi tanıyı bilmirəm.

20 ildi Qarabağdan qaçqın düşüb hələ də sərgərdan həyat yaşayan bir tanışımın bankdan kredit götürüb Məkkə ziyarətgahına getdiyini eşidəndə dərin kədərə daldım.

“İslamçılara qoşulan oğlum deyir ki, şərab içdiyinə görə səni öldürsəm, qanın mənə halaldı”. Bunu bir soydaşımız başılovlu danışırdı. Oğlunu Avropaya xoşbəxtlik dalınca gətirmişdi, dini fanatizmin qurbanı olduğundan gec xəbər tutub.

“Əli və Nino” romanında məni təsirləndirən səhnələrdən biri də Aşura günü Əlinin sinə döyüb, baş yaran kütləyə qoşulması, ələlxüsus da bu səhnəni Ninonun görməsidir!

İndi Ninoları olmayan nə qədər Əliləri kütlə havasına xürafat izdihamına qoşulan görürəm.

Sekulyar avtoritarizm quruculuğunda tər tökmüşlərdən, məsələn, Zahid Oruc parlament seçkisinə indi dini şüarlarla gedir: “Dində mübarək Oruc, namizəddə Zahid Oruc”, “Sizə vəkil olmaq Allaha ibadət qədər gözəldir”.

Buyurun, gəlib çatdıq!

... Azərbaycana sekulyar demokratiya arzusuyla!"