İlqar Əlfioğlu: 

Ay bu sifətə pul verən, ağlına keçə yamayım...

Dünən şəhərin bu başından o başına avtobusda getdim, təxminən 50 dəqiqə camaatı müşahidə etmişəm. 35-40 yaşından yuxarı qadınların heç biri digərinə oxşamır. Kişilər, oğlanlar da həmçinin. O ki, qaldı qızlara, hamısı bir sifətdədi, adam qorxur ki, ay başına dönüm, bu qız bir dayanacaq əvvəl düşmədı? Rəsmən Zombilənd...

Fəridə Aslanova Rüstəmova:  

Bu gün Sədərək, Binə bazarlarında idim. Evə xırda-xuruş şeylər alırdım.

Satıcılar, alıcılar, gələnlər, gedənlər çox idi, əksəriyyəti elə bir ördək yumurtasından çıxan bala ördəyə oxşayırdı.

O boyda dodaq olar? O boyda iyrənc caynaq olar? Ayıb olmasın, onlar özlərinin təmizlik məsələlərinə necə baxırlar, sonra da o murdar əlləri ilə necə xörək hazırlayırlar?

Arada o qədər "baxımlı" qadınları görüb məəttəl qalıram. Yəqin mən qadın deyil, qabyuyanam.

Nə isə, deyiləsi dərd deyil eee.

Ay vicdansız, qaş düşəldərkən göz çıxaran kosmetoloqlar, plastik cərrahlar, yanınıza gələn xəstənin başı işləmir, sizə nə olub?

Pul naminə camaatı niyə itə oxşadırsınız? Mənim itimin siması daha nurludur.

Şəhər cinqaş qadınlarla doludur. Qaşın qaş forması var. "Qələmqaşlı" sözü hər kəs üçün deyilmir. Hər sifət cizgisinə uyğun qaş formaları olmalıdır.

Qoyunun qığına oxşar zir-zibili gül kimi qadınların qaşlarına yaxıb onları yaman günə qoyanların hamısı cəzalandırılmalıdır.

İnanın, indi özünü estetik cərrah bıçağı altına salanlar vaxt gələcək onları məhkəməyə verəcəklər...

Biz uşaq vaxtı qara izolentdən özümüzə qaş kəsirdik, yapışdırırdıq, bir-birimizə gülürdük, uğunub gedirdik gülməkdən. İndi əksər qadınların qaşlarını görəndə o yadıma düşür.

Burun əməliyyatları da lap iyrənc olub çoxunda.

Elə bil ətdoğranan taxtanın üstünə qoyub küt balta ilə vurublar.

Nə isə.

Nə vecimə. Can onların, əzab onların.

Emosiyaya qapılıb bəzi artıq söz işlətdim, üzürlü sayın.

Adam həqiqətən də, onları görəndə daxilən elə əsəb sarsıntısı keçirir ki!

 

Sevil Gulten:

Mən də adətən metroda, avtobusda müşahidə etməyi xoşlayıram. Şəxsən mən ehtiyac olmadan ( tutaq ki, qəza keçirib, məcburdur əməliyyat etdirməyə) estetik əməliyyat etdirən qadınları normal hesab etmirəm. Mən qadınların qaşlarına da baxıram. Allahın bəxş etdiyi qaşı qoruyub saxlayanlar çox azdır. Hətta 50-60 yaşlı qadınlarn da qaşları " qələmlə" çəkilib. Eləcə də qadınların 99 faizi saçına rəng qoyur. 17 yaşlı qız saçına niyə rəng qoyur, baş açmıram

Qeyd. Sarı fonda verilən başlıqlar sosial şəbəkə ilə eynilik təşkil edir.

İndi də təzə dəb düşüb, burnunu buldoqunku kimi elə kəsdirir, deşikləri düz adamın sifətinə baxır.

Ay bu sifətə pul verən valideyn, ağlına keçə yamayım...