Bəybala Mirzəyev: 

“Mavi”lərin hücumu...

Türk-İslam dünyasına, xüsusən də Azərbaycana qarşı yeni Səlib yürüşləri gözlənilir...

Bəziləri düşünürdü ki, Fransada cinsi azlığın nümayəndələrinin baş nazir və nazir postlarına təyin edilməsi yəqin ki, Fransanın xarici siyasətində müəyyən yumşalmalara səbəb olacaq. Lakin bu gözləntilər doğrulmadı. “Mavi” siyasətçilər Fransanın ifrat sağçı, qatı millətçi, irqçi və faşist siyasətçilərindən heçnə ilə fərqlənmir. Hamısı bir bezin qırağıdır və hamısı eyni dərəcədə faşistdir.

Mən deyərdim ki, “mavi” faşistlərin islamofob, türkəfob və anti-Azərbaycan siyasəti hətta ənənəvi fransız iqtidarlarının siyasi kursundan daha məkrli və barışmaz olacaq. Bunu Fransa prezidenti Emmanuel Makronun cinsi azlığın nümayəndəsi olan Qabriel Attalı baş nazir təyin etməsindən sonra cərəyan edən son proseslərdən də görmək mümkündür.

Ötən gün Fransanın Sen-Martin-des-Şamp şəhərində ekstremist qüvvələr sübh namazı vaxtı məscidi yandırmağa cəhd ediblər. Bu barədə Fransanın daxili işlər naziri, qatı İslam düşməni olan Cerald Darmanin sosial şəbəkə hesabında məlumat verib. Lakin cinayətkarların tutulması üçün heç bir real tədbir görülməyib. Sadəcə olaraq yalandan deyiblər ki, faktla bağlı araşdırmalara başlanılıb, vəssalam.

Bu arada Azərbaycana qarşı ən barışmaz mövqedə dayanan və ermənipərəstliyini də əsla gizlətməyən “Le Figaro” qəzeti isə yanvarın 14-də “Azərbaycan: Fransanı qaralamaq üçün Bakıdan böyük hücum” (“Azerbaïdjan: la grande offensive de Bakou pour dénigrer la France”) adlı əsassız ittihamlarla və cəfəngiyyatla dolu bir yazı dərc edib. Birbaşa Yelisey Sarayının (Fransa prezidentinin iqamətgahının) diktəsi ilə işləyən “Le Figaro” nədənsə, iddia edir ki, Bakı Parisin imicinə kölgə salmağa çalışır. Hərçənd ki, hamıya bəllidir ki, Azərbaycan Fransanı yox, məhz Fransa Azərbaycanı qaralayıb. “Le Figaro” isə sadəcə olaraq həmişəki kimi həyasızlıq edir.

Nə isə, qayıdaq mətləbə. Yazımızın mətləbi bu idi ki, yeni “mavi” baş nazirin dönəmində Fransanın müsəlman və türk dünyasına qarşı düşmənçilik mövqeyi biraz da sərtləşəcək, Azərbaycana qarşı hücumlar isə daha da aqressiv xarakter alacaq. Bəli, bu səfər üzərimizə “mavi”lər gəlir, cinsi azlıqların hökuməti gəlir. Elə əsas məqsədləri də budur. Makron onları məhz bunun üçün təyin edib...

Son günlər bəziləri Fransada geylərin iqtidara gətirilməsini lağlağı hədəfinə çevirərək deyirdi ki, Fransanın geyləşməsi gözlənilən idi. Lakin bu yanaşma səthi yanaşmadır. Məqsəd heç də Fransanın tam olaraq geyləşdirilməsi deyil. Fransız elitası onsuz da çoxdan bu yolu tutub.

Makronun geyləri ən yüksək postlara təyin etməsi sağçı, ultramillətçi partiyaların, türk-müsəlman miqrantlara qarşı radikal çağırışlar edən siyasi qüvvələrin getdikcə daha çox populyarlıq qazanmasını əngəlləmək və təşəbbüsü ələ almaq üçün məqsədyönlü düşünülmüş gedişdir.

Yəhudi əsilli, pravoslav məzhəbli gənc baş nazir Qabriel Attal da, onun bu günlərdə Fransa XİN-in rəhbəri vəzifəsinə təyin etdiyi Fransa İntibah Partiyasının lideri, cinsi azlıq nümayəndəsi Stefan Sejurne də qatı islamofob fikirləri ilə tanınırlar. Və bu adamlar təbii ki, bundan sonra Fransanın ultramillətçi, faşist siyasətçilərindən daha artıq İslam düşmənçiliyi nümayiş etdirəcək, Azərbaycan və Türkiyəyə qarşı həyasız hücumlara rəvac verəcəklər ki, Makronun ümidlərini doğrultsunlar, onun siyasi planını gerçəkləşdirsinlər.

Təsadüfi deyil ki, Q.Attal təhsil naziri olarkən Fransa məktəblərində hicabı qadağan etmişdi. Deputat olduğu dönəmdə isə Qabriel Attal Azərbaycanın Qarabağa sahiblik hüququndan məhrum edilməsi üçün BMT-nin Təhlükəsizlik Şurasına qətnamə layihəsini təklif edən əsas şəxs kimi tarixə düşüb. Ümumiyyətlə, bu yaramaz gənc fransız bir çox qatı anti-Azərbaycan və ermənipərəst açıqlamaları ilə tanınıb. Və belə bir Azərbaycanofobun baş nazir postuna təyin edilməsi ölkəmizə qarşı gələcək Səlib hücumlarının anonsudur.

İlk hücum yanvarın 17-də gözlənilir. Belə ki, Fransa Senatı Azərbaycana qarşı yeni qətnamə layihəsini qəbul etməyə hazırlaşır. Qətnamə layihəsində Azərbaycana qarşı sanksiyaların tətbiqi və ermənilərin Qarabağa qayıtmaq hüququna təminat verilməsi tələb olunur.

P.S.

Göründüyü kimi qosqoca Fransa bu gün “mavi” siyasətçilərin ümidinə qalıb. Makronun onları iş başına gətirməsi həm də bunun təsdiqidir ki, Fransanın ideoloji mühiti və siyasi sistemi həqiqətən də artıq çürüyüb. Klassik dəyərlər iflasa uğrayıb. Və fransız ictimai fikri artıq yeni dəyərlər yaratmağa qadir deyil. Ona görə də müasir Qərb sivilizasiyasının aparıcı ölkəsində dəyərsizlik erası başlayıb – özü də lap zirvədən, fransız siyasətinin Olimpindən, Yelisey Sarayından... Və bu dəyərsizlik mərhələsinin adını da qoyublar “Makron sekulyarizmi”...

P.P.S.

Yeri gəlmişkən, Emmanuel Makron dekabrın 31-də fransız xalqına Yeni il müraciəti zamanı bəyan etdi ki, Fransanı modernləşdirəcəyik, yenidən quracağıq, yenidən silahlandıracağıq. Budur, həmin modernləşdirmə açıq “mavi”lərin iqtidara gətirilməsindən başladı. Makron onları öz varisi kimi hazırlayır...