Zirvəyə yönələn tərəqqi yolu 
 
14 iyul 1969-cu il tarixində, Ulu Öndər Heydər Əliyev birinci dəfə siyasi hakimiyyətə gəldikdən sonra ölkəmiz inkişaf mərhələsinə qədəm qoydu. Yaranmış agır vəziyyətdən çıxış yolu tapılmalı, iqisadiyyatın inkişafı üçün prinsipial cəhətdən yeni konseptual yanaşma yolları işlənib hazırlanmalı, xalq təsərrüfatında köklü struktur dəyişiklikləri aparılmalı, təsərrüfatçılıq işində təzə metodlar tətbiq edilməli idi. 
Görulən təsirli tədbirlər sayəsində SSRİ-nin aqrar əyaləti kimi tanınan Azərbaycan qısa müddət ərzində sənaye ölkəsinə, elmi-texniki tərəqqinin geniş şəkildə tətbiq olundugu respublikaya və yuksək mədəniyyəti ilə bütün dünyaya səs salan diyara çevrildi.
Dogma xalqının böyük təəssübkeşi olan Heydər Əliyev totalitar rejimin hökmranlıq etdiyi mürəkkəb tarixi şəraitdə Azərbaycanı Sovet İttifaqının ən qabaqcıl respublikalarından birinə çevirmək üçün həyatın bütün sahələrində geniş islahalar proqramı həyata keçirməyə başladı.
Bunun nəticəsi olaraq xalq təsərrüfatının bütün sahələrində nəzərəçarpacaq dərəcədə baş verən inkişaf artıq hiss olunmaqda idi. Ölkədə sürətlə yeni sənaye müəssisələri qurulur, fabrik və zavodlar tikilir, bir sözlə əhalinin rifah halının yaxşılaşdırılması üçün ugurlu layihələr həyata keçirilirdi.
Ulu öndərimiz Heydər Əliyev ölkəmizin cətin vəziyyətində, 14 iyun 1993-ci il tarixində ikinci dəfə xalqın təkidi ilə hakimiyyətə qayıtdıqdan sonra da respublikamızda həyat ən qısa zaman kəsiyində öz axarına düşdü. 
2003-cü il oktyabrın 15-də Heydər Əliyev siyasi kursunun layiqli davamçısı cənab İlham Əliyevin xalqın etimadını qazanaraq Prezident seçilməsi ilə Azərbaycanın inkişafında yeni bir mərhələ başladı.
Azərbaycanın inkişaf tarixinin son 56 ilinə nəzər salsaq, gələcəyə isiqamətlənmiş, elm və texnologiyanın inkişafını şərtləndirən İKT-nin geniş tətbiqi ilə uğurlu layihələrin həyata keçirilməsi, iqisadiyyatın bütün sektorlarının davamlı tərəqqisinə yönəlmiş və cəmiyyətin hər bir üzvünün rifahına xidmət edən, peşakarcasına aparılmış idarəetmənin nəicələrini görürük.

Səfalı PAŞAYEV,
Yeni Azərbaycan Partiyası Masallı rayon təşkilatının sədr müavini.