Bəybala Mirzəyev: 

Papanın ölümünə sevinənlər...

Roma Papası Fransiskin ölümünə sevinən bəlkə də yeganə nadürüst insanlar məhz ermənilərdir.

Onların sevinmələrinin səbəbi nədir?

Məsələ burasındadır ki, Papanın vəfatından 11 gün əvvəl, aprelin 10-da İtaliyanın paytaxtı Roma şəhərində (Vatikan dövləti və Papanın iqamətgahı da bu şəhərdə yerləşir) “Azərbaycanda xristianlıq: tarix və müasirlik” mövzusunda Qafqaz Albaniyası irsinə həsr edilən XII beynəlxalq elmi konfrans keçirilib.

Bu konfrans Vatikan Qriqorian Pontifik Universitetində Bakı Beynəlxalq Multikulturalizm Mərkəzi, AMEA-nın Tarix və Etnologiya İnstitutu, Azərbaycanın Vatikandakı səfirliyi və Alban-Udi Xristian Dini İcmasının birgə təşkilatçılığı ilə baş tutub.

Təqdimatdan da göründüyü kimi konfransın əsas müzakirə mövzusu Qafqaz Albaniyası olub. Bu isə ermənilərin narazılığına səbəb olub. Çünki onlar Azərbaycanın dünyanın ən qədim kilsələrindən biri olan Alban Apostol Kilsəsinin vətəni kimi tanınması və sonradan alban kilsələrinin, məbədlərinin planlı şəkildə "erməniləşdirilməsi" faktlarının üzə çıxması ehtimalından narahat olurlar.

Ona görə də son 10 gündə erməni ekspertlərinin və yutub-kanallarının Vatikan əleyhinə, mərhum Papanın ünvanına təhqir, söyüş dolu açıqlamalarının, strimlərinin baş alıb getməsi heç də təəccüblü deyil.

Qüds Erməni Patriarxlığı və Kilikiya Katolikosu 1-ci Aram Vatikanın əleyhinə sərt şəkildə çıxış edərək bu konfransın Cənubi Qafqazda və s"arsax"da ermənilərin "tarixi varlığ"ının əleyhinə yönəldiyini bəyan etdilər.

Həmçinin, sıravi ermənilər də öz rəylərində Papaya qəzəb püskürür, Azərbaycanın Vatikanı satın aldığını deyirlər. Sergey Karapetyan adlı bir erməni yazır ki, Azərbaycan bir neçə il əvvəl Vatikanın bərpasına töhfə vermək qərarına gələndə, sonradan bu töhfədən istifadə edəcəyi öncədən aydın idi.

Nədənsə, sergey karapetyanlara, aram martirosyanlara, iveta muradyanlara elə gəlir ki, bu cür konfranslar Bakının ermənilərin tarixini silbaşdan, yenidən yazmaq və dəyişdirmək istəyinə xidmət edir.

Ermənilərin belə düşünmələrində təəccüblü bir şey yoxdur. Çünki onlar özləri də daim tarixi faktları saxtalaşdırmaqla məşğul olduqlarına görə bu gün Vatikanda keçirilən konfransdan xoflanır və düşünürlər ki, yəqin biz də onların yoluyla gedəcək, tarixi həqiqətləri təhrif etməyə girişəcəyik. Necə deyərlər, xain xoflu olar.

Lakin bizim isə tarixi həqiqətləri təhrif etməyə əsla ehtiyacımız yoxdur. Çünki biz erməni deyilik. Qafqaz Albaniyası ilə bağlı bütün həqiqətlər ortadadır və biz sadəcə tarixi ədalətin bərpası üçün gərəkənləri edirik.

Ona görə də ermənilərin Roma Papasını hədəfə almaları, ona qarşı linç kampaniyası aparmaqları tamamilə yersiz hərəkət idi. Eyni zamanda, Papanı Qafqaz Albaniyası məsələsində ermənilərin əleyhinə mövqe tutmaqda ittiham etmək allahsızlıq idi.

P.S.

Beləliklə, son günlərdə öz canının hayında olan Roma Papasının haqqı da insanlıq hissini itirmiş ermənilərin boynunda qaldı. Çox yəqin ki, o biri dünyada Papanın bir əli daim ermənilərin yaxasında olacaq.

P.P.S.

Biz isə Qafqaz Albaniyasının Azərbaycanın tarixi irsi və dövlətçilik qaynağı kimi təbliği və dünyada tanıtımı işində daha fəal tutmalıyıq. Doğru yol seçmişik.

* * *

Султан Мерзили

Mayası yalanla yoğrulan x(h)aylar heç vaxt həqiqətpərəst olmayıblar!

Ancaq xristiyan tarixində bir çox maraqlı suallar var ki cavabsız qalıb!

Məsələn, neçə oldu ki, Hz. İsanı çarmıxa çəkən, onun həvarilərinin təqib edən, terrora məruz qoyan Roma sonda onların hamısı və davamçısı oldu?!

İlk xristiyan dövıəti olan Qafqaz Albaniyası niyə tarixdən silindi və Albaniya adı Balkanlara necə gedib çıxdı?!

Baxın, haylarla Vatikanın iş birliyinin sirləri burdadır, arada dartışsalar da birlikləri də var, xüsüsən Azərbaycana qarşı!

Beybala Mirzeyev

Sultan müəllim, suallarınızda toxunduğunuz mövzular əslində geniş müzakirə mövzularıdır.

Qısa olaraq onu deyə bilərəm ki, əvvəlcə erkən xristianlığa qarşı mübarizə aparan Roma imperiyası, bu dinin getdikcə nüfuzunun artdığını görüb taktikanı dəyişmək və xristianlıqdan öz siyasi maraqları üçün yararlanmaq qərarına gəlib.

Qafqaz Albaniyasının tarix səhnəsindən silinməsinin bir sıra obyektiv-subyektiv səbəbləri var. Əsas səbəblərdən biri bu coğrafiyada İslam dininin hakim rol qazanmasıyla bağlıdır.

"Albaniya" adının Balkanlara gedib çıxmasını xəzərlərlə əlaqələndirənlər də var, Hind-Avropa mənşəli olan illiriya tayfalarından birinin adı olan “albanoi” etnonimindən yarandığını deyənlər də var. Mübahisəli mövzudur.

Haylar Vatikanla hər zaman iş birliyinə can atıblar. Lakin Vatikan bir çox hallarda ermənilərə şübhə ilə yanaşıb.

Papa Fransiskin isə ermənilərə qarşı münasibəti yaxşı idi və hətta qondarma "erməni soyqırımı"nı da tanımışdı. Lakin ermənilər nankor qəbilədir. Vatikanın paralel olaraq Azərbaycanla əməkdaşlıq etməsi və sözügedən konfransın keçirilməsinə şərait yaratması ermənilərin xoşuna gəlməyib.

QEYD. Başlıqlar "Facebook" sosial şəbəkəsindəki başlıqla eynilik təşkil edir.